शीर्षस्थानमा पर्छन लन्डनमा नेपाली रेस्टुरेन्ट

भिडियो हेर्नको माथि को बक्स मा डबल क्लिक गर्नु होस्

२० साउन, काठमाण्डौं । लन्डनमा २ सय ८० माइल टाढा रहेको पर्यटकीय सहर कर्नवालमा रेस्टुरेन्ट चलाइरहेका राजु आचार्यको व्यस्तता खचेल निकै बढी छ । स्कुल बिदा र समर सिजनसँगै बढ्दो गर्मीले समुन्द्र छेउको उनको रेस्टुरेन्ट मालामाल छ । ५२ सिट क्षमताको रेस्टुरेन्टमा दैनिक सयभन्दा बढीले खान्छन् । होलिडे स्पट र क्याराभानका लागि दैनिक सयजनालाई ‘टेक वे’ खाना मात्र उपलब्ध गराउँछ रेस्टुरेन्टले । ‘शनिबार आइतबार करिब ३ सयसम्मलाई ख्वाइनछ,’ एक दशकयता कर्नवालमा काठमाण्डौं प्यालेस रेस्टुरेन्ट चलाइरहेका आचार्यले भने, ‘यतिखेर निकै व्यापार वृद्धि भएको छ ।’ बेलायतको लोकपि्रय पत्रिका इन्डिपेन्डेन्टको सर्वेक्षणमा टप ५० मध्ये १६ औं स्थानमा पर्न सफल उक्त रेस्टुरेन्टमा ग्राहक बढ्नुमा समर सिजन र गुणस्तरीय खाना ठान्छन् आचार्य । कर्नवालमै सञ्चालित नेपालीका अरु चार रेस्टुरेन्टले समेत उच्च व्यापार गरिरहेको आचार्यले बताए । समुन्द्री किनारका रेस्टुरेन्टमा भ्याइनभ्याई भए पनि लन्डन सहरभित्रका रेस्टुरेन्ट भने सुनसान रहेको नेपलिज क्याटरिङ एसोसिएसन युके अध्यक्ष बिजय थापाले बताएको कान्तिपुर दैनिकमा खबर छ ।