काठमाण्डौंबाट ढाका गएको जहाजमा १२४ किलो सुन

भिडियो हेर्नको माथि को बक्स मा डबल क्लिक गर्नु होस्

२० साउन, काठमाण्डौं । बंगलादेशको आर्म पुलिस बटालियनले काठमाण्डौंबाट गएको विमान बंगलादेशबाट एक सय २४ किलो सुन बरामद गरेको छ । यही साउन ९ गते ढाकास्थित शाहजलाल अन्तर्राष्ट्रिय विमानस्थलमा जहाज अवतरण गरेपछि विभिन्न आकारका एक हजार ६५ थान सुनका टुक्रा बाँधेर राखेको अवस्थामा जहाजभित्रैबाट बरामद गरिएको थियो । अहिलेसम्मकै सबैभन्दा ठूलो परिमाणको सुन जडानका माध्यमबाट आएको भन्दै बंगलादेश सरकारले आन्तरिक छानविन गरेको अन्नपूर्ण पोस्ट दैनिकमा खबर छ । नेपाल सरकारले भने यसबारे साउन १७ गतेमात्र जानकारी पाएको थियो । ढाकास्थित नेपाली दूतावासले परराष्ट्र मन्त्रालयलाई पत्र लेख्दै काठमाण्डौंबाट ढाका पुगेको जहाजमा ठूलो मात्रामा सुन फेला परेको जानकारी गराएको थियो । पत्र आएपछि गृह मन्त्रालयले त्यत्रो परिमाणको सुन कसरी उक्त जहाजमा गयो भन्नेबारे अनुस्न्धान गर्न प्रहरी प्रधान कार्यालयलाई निर्देशन दिएको छ । साउन १८ गते गृहले प्रहरीलाई लेखेको पत्रमा ‘सो घटनाबारेमा तत्काल अनुसन्धान गरी प्रतिवेदन पेस गर्न’ आदेश दिएको छ । परराष्ट्रमा दूतावासबाट प्राप्त रिपोर्टअनुसार काठमाण्डौंबाट उडेको उक्त जहाज बंगलादेशको समयअनुसार दिउँसो २:३० बजे ढाका विमानस्थलमा अवतरण गरेको थियो । यात्रु सबै ओर्लिदासम्म सुन नदेखिएको तर जहाज मर्मतका लागि ह्यांगरमा लगिएपछि मात्र बंगलादेशी सुरक्षाकर्मीले देखेको बताइएको छ । अबैध सुनबाट अढाई महिनामै साढे २३ करोड राजस्व अवैध सुन पक्रेर सरकारले दुई महिनामै २३ करोड ५६ लाख रुपैयाँ राजस्व संकलन गरेको छ । गत आर्थिक वर्षको अन्तिम दुई महिनामा मात्र राजस्व अनुसन्धान विभागले ५१ किलो अवैध सुन बरामद गरेको हो । विभागका अनुसार जेठ महिनामा १६ र असारमा ३५ किलो अवैध सुन बरामद भएको थियो । तोलामा करिब ३ हजार रुपैयाँ नाफा हुने भएपछि अहिले सुनको तस्करी ह्वात्तै बढेको कान्तिपुर दैनिकमा खबर छ । सुन व्यवसायीका अनुसार महसुलको अन्तर र भारतीय रुपैयाँ -भारु) को अभावका कारण सुन तस्करी बढेको हो ।