भिडियो हेर्नको माथि को बक्स मा डबल क्लिक गर्नु होस्
२५ साउन, काठमाडौं । सरकारले सिरहामा उत्पन्न भएको विवादलाई धार्मिक एवं जातीय रंग नदिन आहृवान गरेको छ । सामाजिक जनजीवनमा असहमति वा मतभिन्नतालाई आपसी छलफल, वार्ता तथा कानूनी प्रक्रियाबाट समाधान गर्न सकिने भन्दै मन्त्रिपरिषद्का अध्यक्षको निजी सचिवालयले विज्ञप्तिमार्फत भनेको छ-’कुनै पनि विवादलाई धार्मिक वा जातीय विषयवस्तुसँग नजोडी त्यस्तो विवादलाई समाधान गर्नेतर्फ अग्रसर हुन सम्बद्ध सबैलाई हार्दिक आग्रह गरिएको छ ।’
मन्त्रिपरिषद् अध्यक्ष खिलराज रेग्मीले यसप्रकारको घटना भविष्यमा नदोहोरिने र आज भएको घटनाको यथाशीघ्र समाधान गर्नेतर्फ सम्पूर्ण स्थानीयबासीलाई आहृवान गर्नु भएको छ । यस्तै प्रहरी प्रधान कार्यालयले पनि हिन्दू र मुस्लिम समुदायका व्यक्तिहरुलाई संयम अपनाउन र आपसी सद्भाव कायम राख्न अनुरोध गरेको छ ।
सिरहामा स्थानीय व्यक्तिवीच तनाब हुँदा शुक्रबार स्थानीय प्रशासनले कफ्र्युसमेत लगाउनुपरेको छ । अहिलेस्थिति सुरक्षाकर्मीको नियन्त्रणमा आएको प्रहरीले जनाएको छ ।
बोलबम यात्रामा हिँडेकी महिलालाई साउन १९ सिरहाको सारस्वर गाविसका केही युवाले जिस्काएको निहुँमा तनाव भड्केको हो । विवादका क्रममा २२ गते ४ जना घाइते हुने गरी दुईपक्षीय झडपसमेत भएको थियो । झपडको विषयलाई लिएर शुक्रबार आफूलाई हिन्दू बताउने करिब २ हजार व्यक्ति मुस्लिम बस्तीमा छिर्न खोजेपछि प्रहरीले लाठीचार्ज गरेर तितर-वितर पारेको प्रहरीले विज्ञप्तिमा उल्लेख गरेको छ ।
प्रहरीका अनुसार तितरवितर पारिएको भीड फेरि भेला भई परालको कुन्युमा आगो लगाउने प्रयास गरेपछि प्रहरीले ८ राउन्ड टियर ग्याँस र हवाइ फायर गरेको थियो । प्रहरी केन्द्रीय कार्यालयद्वारा जारी विज्ञप्ति अनुसार मुस्लिम वस्तीका जनतालाई घरभित्रै रहन आग्रह गर्दै प्रहरीले निशेधाज्ञा जारी गर्नुका साथै हिन्दूहरुको भीडलाई तितर-वितर पारेको छ ।
प्रहरीका अनुसार फुसको घरमा आगो लगाउने कार्यमा संलग्न १७ जना पक्राऊ परेका छन् । पक्राऊ परेका मध्ये रामप्रसाद मुखियाका साथबाट एउटा कटुवा पेस्तोलसमेत बरामद गरिएको प्रहरीले जनाएको छ ।
आगलागीपछि लाहानबाट दमकल पठाइ प्रहरी र दमकलको सहायताले आगो पूर्णरुपमा नियन्त्रणमा लिइएको प्रहरीले जनाएको छ । शान्ति सुरक्षाको स्थितिलाई मध्यनजर गरी प्रमुख जिल्ला अधिकारी, पूर्व क्षेत्रीय प्रहरी कार्यालयका प्रमुख र जिल्ला प्रहरी कार्यालय प्रमुख लगायतका अधिकृतहरु घटनास्थलमा शुक्रबार दिनभरि तैनाथ रहेका थिए ।
नेपाल प्रहरीको प्रहरी उपरीक्षकको कमाण्डमा २ सय २८ जना र सशस्त्र प्रहरीको सशस्त्र प्रहरी उपरीक्षकको कमाण्डमा २ सयजना घटनास्थलमा तैनाथ अवस्थामा रहेको र पूर्व क्षेत्रीय सशस्त्र प्रहरी गणबाट प्रहरी उपरीक्षकको कमाण्डमा ४४ जनाको टोली घटनास्थलमा खटिएको प्रहरी प्रधान कार्यालयले जनाएको छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.