सोफियाद्वारा श्रेयाको कीर्तिमान भंग

भिडियो हेर्नको माथि को बक्स मा डबल क्लिक गर्नु होस्

११ भदौ, काठमाडौं । यूएईको दुबईमा भइरहेको चौथौं फिना जुनियर विश्व पौडी च्याम्पियनसिपमा नेपाली पौडीको क्षेत्रमा उदाउंदै गरेकी प्रतिभावान खेलाडी सोफिया शाहले १०० मिटर फ्रिस्टायलमा नयाँ राष्ट्रिय किर्तिमान कायम गरेकी छिन् । सोफियाले श्रेया धितालले काठमाडौंमा यसै वर्ष सम्पन्न १८ औं खुला पौडी प्रतियोगितामा राखेको १ मिनेट ०९.८२ सेकेन्डको समयमा सुधार गर्दै १ मिनेट ०७.२३ सेकेन्डका साथ उक्त कीर्तिमान भंग गरेकी हुन् । यो रेकर्ड सहित सोफियाको नाममा तीन राष्ट्रिय रेकर्ड भएको छ । सोफियाले यसै वर्ष स्पेनको बार्सिलोनामा सम्पन्न १५ औं फिना विश्व पौडी च्याम्पियनसिपमा पनि दुई राष्ट्रिय कीर्तिमान कायम गर्न सफल भएकी थिइन् । उनले उक्त प्रतियोगितामा ५० र २०० मिटर फ्रिस्टायलमा राष्ट्रिय कीर्तिमान कायम गरेकी थिइन् । अब सोफियाले ५० मिटर फ्रिस्टायलमा प्रतिस्पर्धा गर्न बाँकी छ ।