अकी र इशाश्री यु-८ सिंगल्स च्याम्पियन

भिडियो हेर्नको माथि को बक्स मा डबल क्लिक गर्नु होस्

११ भदौ, काठमाडौं । सातौं एलए/जेटीआई अन्तरविद्यालय जुनियर खुला टेनिस प्रतियोगिताको यु-८ सिंगल्सको ब्वाइजमा पेनउडका अकी जुवेन राउत र गल्र्समा सेन्ट जेभियर्सकी इशाश्री शाह मंगलबार च्याम्पियन बनेका छन् । प्रतियोगितामा पहिलो पटक समावेश यसको स्पर्धाको ब्वाइज फाइनलमा अकीले काष्ठमण्डपका रनभ सिंहलाई १०-३ र १०-४ ले पराजित गरे । नेपाल प्रहरी स्कुलका सुमित बस्नेत र सेन्ट जेभियर्सका आरवसम्राट हाडा तेश्रो भए । ललितपुरको हात्तीवनस्थित आयोजक लिटिल एन्जल्स (एलए) स्कुलको कोर्टमा भएको गल्र्सको उपाधि भिडन्तमा इशाले काष्ठमण्डपकी अजा रेग्मीको चुनौती १०-५ र १०-१ ले पन्छाइन् । एलएकी अक्षता सिंह र मल्पीकी समृद्धि श्रेष्ठ संयुक्त रुपमा तेश्रो भए ।