उत्कृष्ट पढन्तेको खोजी

भिडियो हेर्नको माथि को बक्स मा डबल क्लिक गर्नु होस्

काठमाडौं , भाद्र २ - उत्कृष्ट पढन्तेको खोजी सुरु भएको छ । पठन संस्कृति विकासको ध्येय साथ दि रिडर्स क्लबले गर्दै आएको पाठक प्रतियोगिताको तेस्रो संस्करण राजधानीमा घोषणा गरियो । शनिबार पत्रकार सम्मेलनगरि आवेदन खुलेको जनाएको हो । प्रतियोगितामा सहभागी हुन स्कुलतर्फ कक्षा ६ देखि १२ सम्म अध्ययनरत विद्यार्थी समूहबाट १ जना, युवातर्फ १८ देखि ३५ वर्ष उमेरका १ जनाले उत्कृष्ट पाठकको उपाधिसहित जनही ५० हजार रुपैयाँ पाउने क्लब अध्यक्ष अमोद डुमजनले जनाए । प्रतियोगितामा ४५ थान पुस्तक अध्ययन गर्नुपर्नेछ । आफूले रुचाएका पाठयक्रमका पुस्तकबाहेक.कुनै पनि क्षेत्रका कम्तीमा ५१ प्रतिशत नेपाली भाषाका पुस्तक अध्ययन गर्नुपर्ने प्रतियोगिताको नियम छ । 'सही ज्ञान र उन्नत समाजका लागि पढ्ने संस्कृति प्रवर्द्धन गर्नैपर्छ' अमोदले भने, 'अनि मात्रै समाजको सकारात्मक रूपान्तरण हुन्छ ।'