गोर्खाल्याण्ड आन्दोलनका कारण इलाममा खाद्यन्न अभाव

भिडियो हेर्नको माथि को बक्स मा डबल क्लिक गर्नु होस्

१२ भदौ, इलाम । छुट्टै गोर्खाल्यान्ड राज्यको माग गर्दै विगत २६ दिनदेखि दार्जीलिङ बन्द भएपछि सीमा क्षेत्र (इलाम)का नेपाली नागरिकलाई खाद्यान्नको समस्या भएको छ । भारतीय बजारमा निर्भर सीमा क्षेत्रका बासिन्दाले सीमापारिबाट खाद्यान्न आउन छाडेपछि सास्ती खेप्नु परेको हो ।सीमा क्षेत्रका गाविस जोगमाई, गोर्खे, पशुपतिनगर, जमुना, मावु, प्याङ, माईमझुवा क्षेत्रका बासिन्दालाई खाद्यान्न समस्या भएको हो । अहिले यहाँका बासिन्दा सदरमुकामलगायत टाढाका बजारबाट खाद्यन्न बोकेर लैजान बाध्य छन् । “आन्दोलन नचलुन्जेल सीमावर्ती मानेभञ्ज्याङ्बाट चामल ल्याउने गर्‍थ्र्यौं”- जोगमाई-२ का जितबहादुर खड्काले भन्नुभयो-”दार्जिलिङबाट चामल आउन छाडेपछि यो बजारमा पनि पाउन छाडयो ।” नेपालतर्फका बजारमा भन्दा भारतीय बजारमा खाद्यन्न सस्तो पाइन्छ । यहाँका बासिन्दा भारतीय बजारमा भर पर्छन् । सीमा क्षेत्रका बासिन्दाले चामल, नुन, तेल, दाललगायत दैनिक उपभोग्य सामग्री भारतीय बजारबाट ल्याउँदै आएका थिए ।भारतबाट सीमा क्षेत्रबाट खाद्यन्न सामग्री नआउँदा पशुपतिनगर, मानेभञ्ज्याङ, मेघ्मा, छब्बिसेलगायतका बजार सुनसान बनेका छन् । भारतको तेलङ्गनालाई छुट्टै राज्यको मान्यता दिएपछि दार्जिलिङका नेपाली बासिन्दाले गोर्खाल्यान्डको माग गर्दै २६ दिनदेखि आन्दोलन गर्दै आएका छन् । आन्दोलनको प्रत्यक्ष असर नेपालीलाई समेत परेको स्थानीय व्यापारी मिलन भण्डारीले बताउनुभयो । आन्दोलनका कारण नेपाली विद्यार्थी र कामदार प्रत्यक्ष मारमा पर्न थालेपछि धमाधम र्फकन थालेका छन् । रासस