डलर १०७.४० रूपैयाँ पुग्यो नेपाली रूपैयाँ अहिलेसम्मकै कमजोर

भिडियो हेर्नको माथि को बक्स मा डबल क्लिक गर्नु होस्

१२ भदौ, काठमाडौं । निरन्तर उकालो लागिरहेको अमेरिकी डलरको भाउ बुधबार अहिलसम्मकै उच्च भएको छ । नयाँ रेकर्ड कायम गर्दै डलर नेपाली बजारमा १ सय ७ रुपैयाँ ४० पैसामा कारोबार भइरहेको छ । भारतमा बुधबार दिउँसो प्रति डलर ६८ रुपैयाँ ७५ पैसा भारु अर्थात ११० रुपैयाँ नेपालीमा कारोबार भइरहेको छ ।

भारुसँग नेपाली रुपैयाँको स्थिर विनिमय दर कायम भएकाले डलरसँग भारु कमजोर हुनासाथ नेपाली रुपैयाँमा पनि कमजोर हुन्छ । नेपाल राष्ट्र बैंकले मंगलबार वाणिज्य बैंकहरुले किनबेच गरेको मूल्यमा आधारित भएर बुधबारका लागि डलरको विनिमय दर १ सय ५ रुपैयाँ ३१ पैसा तोकेको थियो । तर, वाणिज्य बैंकहरुले राष्ट्र बैंकले तोकेको रेटभन्दा दुई रुपैयाँ ९ पैसा बढी लिएर डलरको कारोबार गरिरहेका छन् ।

भारू डलरको तुलनामा निकै कमजोर भएपछि भारतमा चिन्ता व्यक्त गर्न थालिएको छ । यहि अनुपातमा डलरको भाउ बढ्दै गएमा भारतीय अर्थतन्त्र संकटमा पर्ने विज्ञहरूले बताएका छन् ।