डेढ सय रुपैयाँमा पनि कसैले किनेन यी इन्जिनियरलाई

भिडियो हेर्नको माथि को बक्स मा डबल क्लिक गर्नु होस्

मान्छेको मूल्य कति होला ? वास्तवमा मान्छेको कुनै मूल्य नै हुँदैन र अमूल्य हुन्छ । तर बेलायतका एक व्यक्तिको मूल्य भने जम्मा १ सय ४३ रुपैयाँ मात्र छ । एउटा मान्छेको मुल्य डेढ सय रुपैयाँ भन्दा पनि कम ? यो हुनै नसक्ने कुरा, भन्ने लाग्न सक्छ तपाइँलाई । तर यो यथार्थ हो । उनलाई अरु कसैले यति कम मुल्य तोकेको होइन, ती पुरुष आफैले आफ्नो भाउ १.५ अमेरिकी डलर वा झण्डै डेढ रुपैयाँ तोकेका हुन् ।

हो, ५८ वर्षका एक बेरोजगार बेलायती पुरुषले आफुलाई डेढ सय रुपैयाँमा बेच्ने प्रयास गरे । उनले आफुलाई इन्टरनेट साइट इ बे मा लिलामीमा राखे तर उनलाई डेढ सय रुपैयाँमा किन्न पनि कोही राजी भएन । इन्टरनेट मार्फत लिलामीमा राखिएको उनको जोवनमा बोली लगाउन गएको सोमबार सम्मको समय तोकिएकोमा कसैले पनि बोली लगाएन ।

स्टेभ सेवेल नामका ती पुरुषले इलेक्टि्रकल तथा इलेक्ट्रोनिक्स इन्जिनियररिङ विषयमा डिप्लोमा पास गरेका र मेकानिक्सको रुपमा काम समेत गरिसकेका छन् । उनले आफ्नो कामकाजी समयमा ट्वाइलेट पेपरको गुणस्तर जाँच्ने कामको अनुभव समेत लिए ।

एनले आफुलाई इन्टरनेट मार्फत लिलामीमा राख्दा आफ्नो परिचय खण्डमा आफुसँग उच्चस्तरको अन्तरव्यक्ति सीप, अद्धितिय धैर्य तथा हँसिमजाक गर्ने क्षमता रहेको उल्लेख गरेका थिए । उनले आफुले उमेरका कारण अहिले जागिर पाउन नसकेको दुखेसो समेत गर्दै आफुलाई किन्ने मानिसले आफुलाई भरपूर उपयोग गर्नसक्ने बताए ।