सुपरम्यान प्लेन अमेरिकी आकाशमा

भिडियो हेर्नको माथि को बक्स मा डबल क्लिक गर्नु होस्

यो चरा होइन, न त सुपरम्यान नै हो यद्यपि यसको बनावटचाहिं सुपरम्यानकै जस्तो छ। हामीले चलचित्रमा देख्दै आएको सुपरहिरो आकारको प्लेन केही दिन पहिले अमेरिकी आकाशमा उड्यो। रेडियो कन्ट्रोल्ड सुपरम्यान प्लेनलाई अमेरिकाको क्यालिफोर्नियाको आकाशमा उडाइयो। प्रोपेलर र केपका आधारमा उडान भर्न सक्ने यो प्लेन आकाशमा उड्दा धेरै जना रमाए। यसलाई ओट्टो डाइफेनब्याचले डिजाइन गरेका हुन्। डिजाइनर ओट्टो डाइफेनब्याच पुर्व एयरफोर्स टेस्ट पाइलट हुन् र उनले लाइफ साइज क्यारेक्टर प्लेन बनाउने कार्यमै आफ्नो जिन्दगी बिताएका छन्। उनले यो प्लेनको नाम फ्लाइगाई राखेका छन्। ओटटोकै अर्को प्लेन पनि निर्माणको क्रममा छ र त्यसको नाम म्यान अफ स्टिल राखिनेछ। सन् ६० को दशकमा मानव आकारका बाल्सा ग्लाइडर देखेर मानव आकारका प्लेन बनाउने सपना देखेको र उक्त सपना हाल आएर साकार भएको ओट्टोले बताएका छन्।