प्रिन्सिपल दम्पतीलाई पिट्दै प्रहरीमा बुझाइयो छात्रामाथि यौन दुव्र्यवहार गरेको आरोप

भिडियो हेर्नको माथि को बक्स मा डबल क्लिक गर्नु होस्

१५ साउन, धरान । भारतको मणिपुरका नागरिकद्वारा घरान-१९ मा सञ्चालित इमानोयल इन्टरनेशनल स्कुलका प्रिन्सिपल कपिङ मारम र श्रीमती रेदिला मारमलाई प्रहरीले पक्राऊ गरेको छ । आफ्नै विद्यालयमा अध्ययनरत छात्रालाई दुव्र्यवहार गरेको आरोपमा उनीहरुलाई स्थानीयवासीले प्रहरीको जिम्मा लगाएका हुन् ।

प्रिन्सिपल मारम र उनकी श्रीमती रेदिला मारमलाई स्थानीयवासीले कुटपिट गर्दै इलाका प्रहरी कार्यालयमा पुर्‍याएका हुन् । उनीहरुले सञ्चालन गरेको विद्यालयमा २४ जना छात्रा र र ३४ जना छात्रहरु अध्ययनरत छन् ।

विद्यालय सञ्चालक मारमद्वारा छात्रामाथि यौन दुब्र्यवहार गरेको उजुरीका आधारमा मारम दम्पत्तिलाई पक्राउ गरिएको र यस विषयमा अनुसन्धान भइरहेको इलाका प्रहरी कार्यालय धरानका डीएसपी चन्द्रदेव राईले बताउनुभयो ।

तस्वीर : भीम रार्इ ज्वाला