आमाका तीन अभिनेत्री नृत्यका साथ प्रस्तुत हुने

भिडियो हेर्नको माथि को बक्स मा डबल क्लिक गर्नु होस्

नेपाल चलचित्र विकास कम्पनीले आगामी शनिबार राजधानीमा आयोजना गर्न लागेको पहिलो एनएफडीसी राष्ट्रिय चलचित्र आमाका तीन अभिनेत्री भुवन चन्द, वसुन्धारा भुसाल र चैत्य देवी नृत्यका साथ प्रस्तुत हुने भएका छन्। नेपाली चलचित्र निर्माणले आधा शताब्दी पार गरेको अवसरमा आयोजना गर्न लागिएको अवार्डमा यि ऐतिहासिक अभिनेत्रीहरु आकर्षणका रुपमा नृत्यका साथ प्रस्तुत हुन लागेका हुन्। सधै बजारमा छाएका नायिकाहरुको आकर्षण बनेर प्रस्तुत हुने गरेकोमा कम्पनीले यी अभिनेत्रीहरुलाई आकर्षणको पात्रका रुपमा प्रस्तुत गर्न लागेको जनाएको छ। अवार्ड समारोहमा मनोरञ्जनका लागि समावेश गरिने सांस्कृतिक कार्यक्रमले पनि ५० वर्षको झल्को दिने सांस्कृतिक कार्यक्रम उपसमितिका संयोजक कविराज गहतराजको भनाई छ। यी अभिनेत्रीका साथमा अन्य कलाकारलाई कोरियोग्राफर कविराज गहतराज र गम्भिर विष्टले नृत्य सिकाइरहेका छन्।