कुरियरबाट पठाउन लागिएको २ अर्ब भारु पक्राउ

भिडियो हेर्नको माथि को बक्स मा डबल क्लिक गर्नु होस्

मुम्बई(एजेन्सी) , असार १८ - कुरियरबाट पठाउन लागिएको २ सय कारोड भारतीय रुपैयाँ (३ अर्ब २० करोड नेपाली) तथा ठूला परिमाणमा गर गहना पक्राउ परेको छ । नगद र गरगहनाले भरिएका १ सय ४० वटा बोरा रेल मार्फत गुजरात पठाउने तयारी भएको बेला आयकर विभाग र नेसनल इन्वेस्टिगेसन एजेन्सी(एनआईए)ले रेल्वे स्टेसन बाहिरबाट नियन्त्रणमा लिएको हो । सोमबार राति सेन्ट्रल मुम्बई रेल्वे स्टेशन बाहिर ४ वटा मिनी ट्रकबाट नगद तथा सुन र हिराका गहना बरामद भएको हो । अधिकारीहरुले सम्पूर्ण गरगहनाको अझै मूल्यांकन गरिसकेका छैनन् । उक्त रकम कसले कसलाई पठाउन लागेको खुलेको छैन । प्रहरीले कुरियरका ५० जना कर्मचारीलाई नियन्त्रणमा लिएर अनुसन्धान थालेको छ ।