सलमान अब लुलियासँग

भिडियो हेर्नको माथि को बक्स मा डबल क्लिक गर्नु होस्

बक्स अफिस हिरो सलमान खान जति उमेर छिप्पिँदै छ, उति चुलबुल बन्दै देखिन थालेका छन् । सर्ट उतारेकै भरमा तमाम युवतीलाई फ्यानको लर्कोमा लगाउन सक्छन् उनी । लभका मामिलामा क्रेजी मानिने सलमान कुनै बेला विश्व सुन्दरी ऐश्वर्या रायको काखमा टाउको बिसाउँथे । नीला आँखावाली नायिकासँग दूरी बढेपछि उनले कटि्रना कैफको हात थामे । आफूभन्दा झन्डै आधा उमेरकी नायिकाबाट अघाएपछि उनी फेरि सिंगल भए । तर त्यो अवस्था धेरै समय टिक्न सकेन । उनले फेरि कसैलाई दिल दिएका छन् । दर्जनजति सुन्दरीसँग घोषित रूपमै अन्तरंग सम्बन्ध बनाउन सफल 'दबंग' नायककी प्रेमिका हुने अबकी भाग्यमानीचाहिँ को होलिन् त ? लुलिया वन्तुर । रोमानियन नायिका । सलमान अचेल 'मेन्टल' को सुटिङमा व्यस्त छन् । त्यसबाट फुर्सदको समयमा लुलियाकै अघिपछि देखिइरहेका छन् । देखिएका मात्रै होइनन्, लुलिया उनको मुम्बईस्थित घरमै परिवारसँग घुलमिल पनि भइसकेकी छन् । प्रायः मिडियामा आउने नकारात्मक गसिपमा औंला उठाइहाल्ने सलमान यति बेला मौन हुनुले पनि दाल मौलिक रंगमा नरहेको ठोकुवा गरिएको हो । सलमान र लुलिया हैदरावाद एयरपोर्टमा समेत सँगै फेला परेका थिए । मिडियाबाट बच्न फरक समयमा निस्किए पनि उनी जोगिएनन् । तर फोटो खिचाउने क्रममा सलमानले पोज दिन थालेपछि लुलिया तर्केर भागेकी थिइन् । उनलाई एयरपोर्टबाट निस्कनका लागि नायकले पहिल्यै सवारीको बन्दोबस्त गरिदिइसकेका थिए । १५ वर्षकै छँदा टेलिभिजनमा कार्यक्रम चलाउन थालिसकेकी लुलिया कानुनकी विद्यार्थीसमेत हुन् । युवतीका लागि चुम्बकजस्ता लाग्ने सलमानलाई उनले सन् २०१० 'बडीगार्ड' फिल्मको सुटिङ क्रममा डब्लिनमा भेटेकी थिइन् । यसअघि रोमानियन फिल्म निर्माता तथा गायक मरिस मोगासँग रिलेसनसिपमा रहेकी लुलिया सन् २०११ मा प्रेमीसँगै भारत घुम्न पनि आएकी थिइन् । सलमानलाई भेट्नुमा उनकै प्रेमीले सम्भव बनाइदिएका थिए । तर सलमानसँगको पहिलो भेटको परिचयले अन्ततः प्रेमकै रूप लिएको छ । सुटिङकै बेला डब्लिनमा आँखाआँखाले मन साटेका उनीहरू लुलियाले प्रेमीसँग गरेको डेढमहिने भारत भ्रमणपछि आएर औपचारिक सम्बन्धमा बाँधिएका हुन् । त्यसै बेला लुलियाको र मरिसको मनमुटाव सुरु भइसकेको थियो । अब यति बेला पहिलो प्रेमलाई पूर्णतः किनारा लगाइसकेकी लुलियाले सलमानसँग बिहे गर्ने पक्कापक्कीजस्तै भएको गाइँगुइँ सुनिएको छ । ५० पुग्न लागेका सलमान पनि अल्लारे युवतीको चक्करमा पर्न छोडेर ३२ वषर्ीया लुलियासँग सिरियस भएको हुनुपर्छ । तर निश्चित अन्तरालमा आफ्ना पे्रमिकाहरूसँग वाक्क हुँदै आएका सलमान लुलियाका मामिलामा चाहिँ अपवाद होलान् भनिहाल्न पनि सकिँदैन ।