हत्याका आरोपी १५ वर्षपछि पक्राउ

भिडियो हेर्नको माथि को बक्स मा डबल क्लिक गर्नु होस्

धादिङ, असार १८ - ज्यान मार्ने घटनामा संलग्न धादिङका एक युवालाई प्रहरीले १५ वर्षपछि पक्राउ गरेको छ । २०५५ पुष १९ गते राति धादिङ सेमजोङ्ग गाविसका दुर्गा बहादुर गुरुङको हत्या गरी फरार रहेका सेम्जोङ निवासी टोके तामाङलाई खोजी गरेको धेरै पछि मात्र प्रहरीले पक्राउ गर्न सफल भएको छ । आपसी मतभेदका कारण २०५५ साल पुष १९ मा उनले आफू सहित ९ जना युवाको संलग्नतामा छिमेकी दुर्गा बहादुर गुरुङको हत्या गरी फरार भएका थिए । तामाङ लुकीछिपी नेपाल र साउदी अरबमा बस्दै आएको खुलेको छ । वास्तविक नाम टोके तामाङ रहे पनि उनले नक्कली नाममा नागरिकता र पासपोर्ट बनाइ लुकीछिपी बसिरहेका थिए । हत्या गरी फरार रहेका तामाङलाई जिल्ला अदालत धादिङले २०६७ जेठ २३ गते २० वर्ष कैद सजाया तोकेको थियो । बाबुको नाम फरक पारी जिल्ला प्रशासन कार्यालय धादिङमा पासपोर्ट बनाउन लागेको अवस्थामा सुराकीका आधारमा तामाङलाई पक्राउ गरिएको प्रहरीले जानकारी दिएको छ । उनलाई मंगलबारनै अदालतमा पेश गरी कारागार चलान गरिएको बताईएको छ ।