ताप्लेजुङका अग्नि पीडितलाई हङकङबाट रकम सहयोग

भिडियो हेर्नको माथि को बक्स मा डबल क्लिक गर्नु होस्

हङकङ, असार १८ - ताप्लेजुङका अग्नि पीडित सहयोगार्थ हङकङमा करिब चार लाख रुपैयाँ संकलित भएको छ । यहाँस्थित फुङ्लिङ ताप्लेजुङ बजार सेवा समितिले सांगीतिक कार्यक्रमको आयोजना गरी उक्त रकम जुटाएको हो । गत माघ २६ गते ताप्लेजुङ सदरमुकाम फुङलिङमा भएको भिषण आगलागीबाट ८ घर जल्नुका साथै ठूलो धनजनको क्षति भएको थियो । आइतबार साँझ आयोजित एक कार्यक्रममा अग्नि पीडित सहयोग साँझका संयोजक चन्द्र मादेन 'आन्छन' ले ३१ हजार ५ सय २० हङकङ डलर (करिब चार लाख रुपैयाँ) नेपाल पत्रकार संघ हङकङका अध्यक्ष किसन राईलाई हस्तान्तरण गरेका हुन् । नेपाल पत्रकार महासंघ (काठमाडौं) ले उक्त रकम आफ्नो स्थानीय शाखामार्फत पीडितहरूलाई वितरण गर्ने जनाइएको छ । गत मे ५ मा आयोजित सांगीतिक साँझमा कलाकारहरूले निःशुल्क सहभागिता जनाएका थिए ।