केटीहरु भनेको जाडो महिनाको हट स्विमिङ् पुल हो - जिया केसी "रङ्ग वे"

भिडियो हेर्नको माथि को बक्स मा डबल क्लिक गर्नु होस्

‘एटिएम’ नायिका सबिना कार्कीले शुक्रबार फेसबुकमा यस्तो स्ट्याटस् पोस्ट गरिन् :
नेपालीमा एउटा उखान छ, आफ्नो आङमा भैँसी नदेख्ने अरूको आङमा जुम्रा देख्ने । यो उखान मेरो केही नजिक भनिएका साथीले मैमाथि चरितार्थ गरे, जति वेला मैले एटिएम फिल्म खेलेकी थिएँ । फिल्मको प्रोमो सार्वजनिक भएपछि मेलै अति घनिष्ट ठानेका र मानेका साथीले पनि नानाभाँती भने । अझ एउटीले त निकै सरिफ र आदर्शवान् कुरा गरेर मसँगको फ्रेन्डसिप नै तोडिदिई । अरू धेरैले पनि छि: छि: र दुरदुर गरे । तर, मैले हिम्मत हारिनँ । किनभने, मैले ‘खुसीमा संसार आफूसँगै हाँस्ने र रुँदा एक्लै हुनुपर्ने’ तीतो सत्य बुझेकी थिएँ । यो एउटा मेरो जीवनको अध्याय थियो र बित्यो पनि । तर, आजकल मलाई बडो आश्चर्य लागिरहेको छ । जसले मलाई शीलताको दर्शन छाँटेका थिए, उनीहरू नै एटिएममा मैले गरेकोभन्दा चर्को दृश्य दिइरहेका छन् । भ्यात्त परेको जिउ देखाएर नाचिरहेका छन् । ती को–को हुन् ? नाम भनिरहनु जरुरी देख्दिनँ । र, मैले न उनीहरूलाई शीलताको पाठ पढाइरहेको छु, न त उनीहरूले मलाई विगतमा गरेकोजस्तै रुखो व्यवहार गरिरहेकी छु । सिर्फ, म त रमिता हेरिरहेकी छु ।

सबिनाको यो स्ट्याटस्ले शुक्रबार साँझसम्म लाइक र कमेन्ट राम्रै पाइरहेको छ । उनले त्यो स्ट्याटस् कसलाई लक्षित गरी लेखेकी हुन्, त्यो भने प्रस्ट खुलाएकी छैनन् । उनलाई सोध्दा पनि आफूले एकजना विशेषलाई लक्षित नगरेको दाबी गरिन् । तर, उनी र उनको संगत बुझ्नेले सहजै अनुमान गरेका छन्, उनको त्यो स्ट्याटस् एटिएममा सँगै काम गरेकी अर्की अभिनेत्री जिया केसीप्रति लक्षित छ । केही दिनयता जियाले भित्री वस्त्रसमेत खोलेर अश्लीलताको पराकाष्ठा प्रस्तुत गरेको नयाँ चलचित्र ‘रङ–वे’को प्रोमोले दर्शक मात्र होइन, सञ्चार तथा चलचित्रकर्मीबाटै छि: छि: र दुरदुर पाइरहेको छ । सबिनाको ‘तीर’ पनि त्यही प्रोमोमा जियाले देखाएको हर्कतप्रति लक्षित छ ।

‘मैले कुनै एक व्यक्ति विशेषलाई लक्ष्य गरेकी होइन,’ सबिना भन्छिन्, ‘त्यो स्ट्याटस् पात्र र प्रवृत्तिको विरोधमा हो । भूलवश एटिएममा मैले गरेको सानो गल्तीलाई पहाड बनाएर आदर्शका कुरा गर्नेहरू अहिले आफू कुन हदसम्म गिरेका छन्, त्यसप्रति मेरो घोर विरोध छ ।’ उनले एटिएम चलचित्रमा आफूले दिएको केही दृश्य र बोलेको संवादप्रति भने आत्मालोचना गरिन् । ‘त्यति वेला त्यस्तै भयो । हामीले त्यत्तिकै ट्राई गर्न बोलेको संवादलाई प्रोमो बनाएर युट्युबमा हाली सनसनी मच्चाइयो,’ उनले भनिन्, ‘त्यही कारणले सधैँ तनावग्रस्त बन्नुपर्‍यो । तर, अब फेरि लाग्न थालेको एटिएम मैले भर्खरै हेरेँ । त्यस्तो अश्लील लाग्ने कुनै दृश्य, संवाद छैन । फिल्म सफा छ । दर्शकले पहिलाभन्दा अझ धेरै उत्सुकताका साथ हेर्नेमा विश्वस्त छु ।’ आफूले खास कसलाई के भन्न खोजेको हो, त्यसका लागि भने केही दिनमा पुन: अर्काे स्ट्याटस् पोस्ट गरेर स्पष्ट पार्ने उनी बताउँछिन् । ‘खास कुरा के हो, एटिएम चल्नुभन्दा दुई दिनअघि स्ट्याटस् लेखेर क्लिअर पार्छु,’

उनले भनिन् ।
सबिनाले एटिएम खेल्नुअघि दुलहीरानी र वाचामा अभिनय गरेकी थिइन् । वाचामा उनी र जिया सँगै थिए । एटिएममा आफूलाई जियाले नै लगेकी सबिना बताउँछिन् । ‘वाचा खेल्ने क्रममा जियासँग नजिक भएँ । सधैँ सँगसँगै हुन थालियो,’ उनले भनिन्, ‘मैले उनलाई दिदी भन्थेँ । उनैले हो, मलाई एटिएममा लगेको । चपली हाइटजस्तो फिल्म बनाउने भनेर खेलियो । तर, बेइज्जत भयो ।’ जिया र सबिनाबीच एटिएमको सुटिङका क्रममा घमासान झगडा भएको थियो । ‘फिल्मको एउटा सिनमा हिरोले मलाई जबर्जस्ती किस गर्ने सिन थियो,’ आफू र जियाबीच दुस्मनी हुनुको कारण बताउँदै सबिनाले भनिन्, ‘जियाले केही पत्रकारलाई फोन गरेर सुटिङमा बोलाइन् र फिल्ममा आफ्नो दश मिनेट लामो किस सिन भएको तर मेरो दुई मिनेट मात्र भएको हल्ला फैलाइन् । मलाई त्यो कुरा चित्त बुझेन । त्यसबाहेक पनि उनले मेरो कुरा काट्ने गर्दिरैछिन् । त्यो थाह पाएपछि झगडा भयो । त्यहाँदेखि अहिलेसम्म उनीसँग बोलचाल नै बन्द छ ।’ सबिना र जियाको खास झगडाको निहुँ कसको किस सिन लामो भन्नेमा थियो । फिल्म रिलिज नहँुदै जियाले किस सिनको विषयमा माइनस गरेकाले सबिनालाई रिस उठेको रहेछ । त्यसले मित्रतालाई दुस्मनीमा बदलिदियो ।

‘म नग्नता, अश्लीलताको विरोधी हुँ,’ चोखिन खोज्दै सबिना भन्छिन्, ‘एटिएमपछि पनि ओभर एक्सपोज गर्नुपर्ने रोलका केही फिल्मबाट अफर आएका थिए । तर, मैले स्विकारिनँ ।’ एटिएमपछि आफूले खेलेका छल, वान साइड लभ, गुड फ्रेन्ड र पंगा, चार फिल्म शील भएको दाबी उनको छ । ‘एटिएमपछि मैले खेलेका सबै फिल्म परिवारसँगै बसेर हेर्न मिल्ने सफा छन्,’ उनी भन्छिन्, ‘म रङ–वेमा लाग्न चाहन्न । त्यसैले सफा फिल्म मात्र खेल्छु । ४ साउनमा चल्न लागेको संशोधित एटिएम पनि सफा छ । आरामले हेर्दा हुन्छ ।’जियाचाहिँ सबिनासँगको पूर्वमित्रता, दुस्मनी, सबिनाले पोस्ट गरेको स्ट्याटस्, एटिएम अनि रङ वेको प्रोमोमा देखिएको आफ्नो कलाकारिताबारे के भन्दी हुन् ? यसबारे बुझ्ने प्रयास गर्दा उनको फोन रिसिभ भएन । सबिना भने जियाले आफ्नो गल्ती स्विकारेर ‘सरी’ भनेमा बोलचाल पुन: सुरु गर्न आपत्ति नहुने बताउँछिन् । ‘आफ्नो गल्ती स्विकारेर सरी भने त म पनि किन नाप्पिन्थेँ र,’ सबिनाले भनिन्, ‘तर, बानी थाहा पाइसकेकाले पहिलाजस्तो सम्बन्ध सुमधुर बनाउन भने धेरैपटक सोच्नैपर्छ ।’

के छ रङ वेको प्रोमोमा

झन्डै दुई दर्जन  युनिभर्सल सर्टिफिकेटवाला चलचित्र निर्देशन गरिसकेका निर्देशक दीपक श्रेष्ठले निर्माण गरेको ‘रङ–वे’को प्रोमोले अहिले चर्चामा छ । साढे एक मिनेटको सो प्रोमोमा अश्लीलताको पराकाष्ठा देखिन्छ । प्रोमोमा नायिका जिया केसीसँग नवयुवाहरू देखिएका छन् ।  प्रोमोको सुरुमा जिया बाइकको अगाडि युवकतिर फर्किएर सुतेकी र युवकले उनलाई चुम्बन गर्दै हाई–वेमा बाइक कुदाएको सट हालिएको छ । सो बाइक जंगलतिर पस्छ । अर्का एउटा सट त लाजै मर्नु छ । दुई युवाले हेरिरहेका छन्, जियाले आफ्नो पेन्टी फुकालेर फालेको देखिन्छ । लगत्तै अर्काे सट जंगलमा छ । त्यसमा जिया र एक युवा यौनजन्य क्रियाकलापमा संलग्न भएको देखाइएको छ । त्यसैगरी, अर्काे सटमा युवाले जियाको कुर्ताभित्र हात हालेर रातो ब्रा झिकेको छ । त्यसपछि भने जिया अर्काे पुरुषमाथि चढेर यौनक्रियामा संलग्न भएको लाग्ने विभिन्न सट हालिएको छ । डम्बर अधिकारी निर्माता रहेको रङ–वे निर्देशक, निर्माता तथा जिया स्वयंले आफ्नो परिवारसँगै बसेर हेर्न सक्लान् त ? प्रोमो हेरेकाहरूबीच यही कुरा चल्ने गरेको छ ।Source Naya Patrika.