बेलवारी घटनालाई तोडमोड गर्न खोजियो : दलित आयोग

भिडियो हेर्नको माथि को बक्स मा डबल क्लिक गर्नु होस्

काठमाडौं– राष्ट्रिय दलित आयोगले दलित महिलालाई गरिएको अमावनीय ब्यवहारको घटनालाई तोडमोड गरेर पीडिकलाई उन्मुक्ति दिन लागिएको आरोप लगाउँदै आपत्ति जनाएको छ। आयोगले आइतवार रिपोर्टर्स क्लबमा पत्रकार सम्मेलन गर्दै घटनालाई फरक ढंगले मोड्ने र पीडकलाई उन्मुक्ति दिने षड्यन्त्र भइरहेको बताएको हो। आयोग अध्यक्ष सुशिला सिरपानी ठकुरीले घटनालाई यस्तै अवस्था रहे पीडितले न्याय पाउने नसक्ने बताइन्। उनले प्रशासनले घटनालाई छुवाछुत कसुर ऐन अनुसार मुद्दा चलाउन आनाकानी गरिरहेको भन्दै पीडितले न्याय नपाउने अवस्था सिर्जना गरिए त्यसको प्रतिरोध गर्ने चेतावनी दिइन्। घटनालाई मोड्ने प्रयास भएपछि आयोगले सदस्यहरु खेमबहादुर नेपाली र अनिता परियारलाई स्थलगत अध्ययन गर्न खाटाएका थियो। महिला आयोग, मानवअधिकार आयोगसँग मिलेर अहलिे न्याय दिलाउने अभियान सुरु गरिएको जानकारी उनले दिइन् । आयोगका सदस्य सचिव भुवन सुनारले दोष्ीालाई बचाउने काम तत्काल छाडेर कारवाही थाल्नु पर्ने, पीडितलाई पुर्नस्थापना र क्षतिपूर्ति दिनुपर्ने भन्दै अन्यथा आन्दोलनमा जाने चेतावनी दिए।