फोर्डको इकोस्पोर्ट कार नेपाली बजारमा

भिडियो हेर्नको माथि को बक्स मा डबल क्लिक गर्नु होस्

२० असार, काठमाडौं । अमेरिकन मोटर उत्पादक कम्पनी फोर्डले इकोस्पोर्ट कार नेपाली बजारमा भित्राएको छ । फोर्डको नेपालका लागि आधिकारीक बिक्रेता गोल्छा अर्गनाइजेशनले उक्त कार नेपाली बजारमा भित्राएको हो । इकोस्पोर्ट कार पछिल्ला विकसित प्रविधि तथा सुविधाहरुले भरिपूर्ण रहेको गो फोर्डका निर्देशक आकाश गोल्छाले बताउनुभयो । उहाँका अनुसार यस गाडीले बजारमा रहेका सेडान र हृयाचव्याक कारहरुलाई चुनौती दिनेछ ।

इकोस्पोर्टका १० वटा मोडेल नेपाली बजारमा उपलब्ध हुने कम्पनीले जनाएको छ । कम्पनीका अनुसार अहिले नेपालमा ‘इकोस्पोर्ट टाइटानियम’ मोडेल भित्रिएको छ । जस्को बजार मूल्य ५२ लाख ९० हजार रुपैयाँ पर्छ । यो डिजेल इन्जिन कार हो । १० मोडेलमध्ये यो सबैभन्दा महंगो मोडेल हो । इकोस्पोर्ट कारको मूल्य नेपाली बजारमा न्यूनतम २८ लाख रुपैयाँदेखि ४२ लाख रुपैयाँसम्म पर्ने छ । अन्य मोडेलहरु विस्तारै नेपाल भित्राउने कम्पनीले जानकारी दियो ।

कम्पनीका अनुसार फोर्ड इकोस्पोर्ट कारहरुमा आकर्षक विशेषताको रुपमा गेम चेञ्जर रहेको छ । विभिन्न ७ कलरमा उपलब्ध हुने फोर्ड इकोस्पोर्ट ३ इञ्जिन अप्सनमा उपलब्ध रहेका छन् । फोर्ड इकोस्पोर्ट नेपाली बाटो सुहाउँदो भएको हुँदा नेपालीहरुको विश्वास सजिलै जित्न सक्ने कम्पनीले अपेक्षा गरेको छ । यी कारले धेरै माइलेज दिने कम्पनीको दाबि छ । यस कारको डिक्की ठूलो भएको हुँदा धेरै समान अट्ने बताइएको छ ।