कोसी ग्यास उद्योगमा सिल

भिडियो हेर्नको माथि को बक्स मा डबल क्लिक गर्नु होस्

असार १८ - सिलिन्डरमा मापदण्डभन्दा कम ग्यास भरेको पाइएपछि जिल्ला प्रशासनले गैंडाकोटस्थित कोसी ग्यास उद्योगमा सिल गरेको छ । कम ग्यास राखेर उपभोक्तालाई ठगी गरेको अभियोगमा प्रशासनले छानबिन सुरु गरेको छ । प्रमुख जिल्ला अधिकारी नेतृत्वको टोलीले सोमबार गैंडाकोटस्थित कारखाना सिल गरेर अनुसन्धान अघि बढाएको जनाएको हो । प्रशासनको टोलीले गैंडाकोटस्थित उद्योग निरीक्ष्ाण गरी गोदाममा रहेका सिलिन्डर जोख्दा २ वटामा १ सय ८० ग्राम कम तौल भेटिएको थियो । कावासोतीमा रहेको कोसी ग्यासको डिलरले बिक्री गरेका सिलिन्डर आइतबार उपभोक्ताले जोख्दा कम तौल भएका १७ वटा सिलिन्डर बरामद भएपछि उपभोक्तालाई ठगी गरेको खुलेको हो । जिल्ला प्रशासनले उद्योगलाई पत्र लेखेर बजारमा पठाइएका सिलिन्डरमा तौल कम फेला परेको भन्ने उजुरीका आधारमा अनुसन्धान आवश्यक परेकाले सिल गरिएको जानकारी दिएको छ । कारखानाका सञ्चालक सचित उपाध्यायलाई पत्र बुझाइएको थियो । गैंडाकोट-७ स्थित जानकी ग्यास उद्योगले कोसी ग्यास र जानकी ग्यासका सिलिन्डरमा ग्यास भर्दै आएको छ । आफूसहित प्रहरी, नापतौल विभागका प्रतिनिधि, उपभोक्ता महासंघ प्रतिनिधि र स्थानीयको रोहवरमा ग्यास उद्योगमा सिलबन्दी गरी ग्यास भर्न र बिक्री वितरणमा रोक लगाइएको प्रमुख जिल्ला अधिकारी केशवराज घिमिरेले जानकारी दिए । -