रणवीरको बद्तमिज दिल

भिडियो हेर्नको माथि को बक्स मा डबल क्लिक गर्नु होस्

'ए जवानी है दिवानी' मा रणवीर कपुर र दीपिका पादुकोणले नाचेको हिट गीत 'बद्तमिज दिल' यी दुवैमाथि लागू भएको खबर छ । रणवीर र दीपिका कुनै बेला प्रेमी-प्रेमिका थिए । तर बीचमा 'वो' कट्रिना कैफ घुसेपछि यिनको सम्बन्ध तोडियो । 'ए जवानी' जस्तो हिट फिल्म खेलेपछि यिनको सम्बन्ध सुधि्रने यिनका प्रशंसकको आशा थियो । तर यस्तो भएन । रणवीरको 'बद्तमिज दिल' कट्रिनातिरै तानियो । रणवीर र कटि्रना स्पेन घुम्न गएका केही तस्बिरहरू इन्टरनेटमा लिक भएपछि यसको पुष्टि भएको छ । रणवीरपछि किंगफिसरका सिद्धार्थ माल्यासँग केही फ्लाइट उडेकी दीपिकाको मनमा भने अहिले अर्का रणवीर, रणवीर सिंहले बास गरेको खबर आएका छन् । यी दुईले मुख्य भूमिकामा अभिनय गरेको सञ्जयलिला भन्सालीको फिल्म 'रामलिला' प्रदर्शनको क्रममा छ । सञ्जयको रेकर्ड के भने यिनकै फिल्म खेल्दा सलमान खान र ऐश्वर्या राय तथा रणवीर कपुर र सोनम कपुरको अफेयर भएको थियो । फिल्म रिलिजको मिति नजिकिँदै गएपछि दीपिका र रणवीर सिंहका खबर पनि अलि बढी आउलान् । फिल्मको फोकटमा पब्लिसिटी जो गर्नुछ ।