गोर्खाली सैनिकद्वारा फोक्सोमा संक्रमण भएकी बालिकालाई आर्थिक सहयोग

भिडियो हेर्नको माथि को बक्स मा डबल क्लिक गर्नु होस्

५ साउन, इलाम । फोक्सोमा संक्रमण भई उपचार गराइरहेकी इलामकी १२ बर्षकी बालिका बिमला राईलाई बेलायतमा कार्यरत गोर्खा सैैनिकहरुले आर्थिक सहयोग गरेका छन् । इलाममा उपचार सम्भ नभए पछि धरान हुदै काठ्माण्डौमा उपचार गराएर आर्थिक अभावका कारण इलाममै बस्दै आएकी वालिकालाई उपचारमा समस्या भएको खवर पाएपछि बेलायतमा कार्यरत गोर्खा सैैनिकहरुले ४४ हजार रुपैयाँ हस्तान्तरण गरेका हुन् । गोर्खा सैनिक इलाम माईपोखरीका किसोर मुखिया, चन्द्रकुमार राई, कोसबहादुर गुरुङ, चाम पुन, पूर्ण थापा, रुद्र खजुम र इश्वर लोक्तामले व्यक्तिगत रुपमा संकलन गरेर पठाएको रकम बीएफबीएस रेडियोका प्रतिनिधि प्रेम अधिकारीले हस्तान्तरण गरेका हुन् । उक्त रकमले छोरीको उपचारमा ठूलो मद्दत पुग्ने आमा मनमाया राईले बताइन् ।