‘मायाको बारी’मा हिरो यशराज बैबाहिक बन्धनमा बाँधिए

भिडियो हेर्नको माथि को बक्स मा डबल क्लिक गर्नु होस्

नेपाली सिनेमा नगरीमा उदाउँदै गरेका नायक यशराज गरच बैबाहिक बन्धनमा बाँधिएका छन् । उनले आइतबार अर्थात असार ३० गते प्रेमिका अञ्जना मिश्रलाई दुलहीको रुपमा घर भित्राएका हुन् । आफ्नो अस्थायी घर सुकेधाराबाट ५० जना जन्ती लिएर यशराज अञ्जनालाई लिन पुरानो बानेश्वरमा रहेको एक पार्टी प्यालेसमा पुगेका थिए ।पञ्चे बाजा घन्काउँदै यशराजले अञ्जनाको सिउँदो रंगाएका हुन् । आफ्नो प्रेमलाई बिहेमा परिणत गर्न पाउँदा यशराज निक्कै खुशी देखिएका थिए । उनले बिहे भोज साउन २ गते काठमाण्डौकै एक पार्टी प्यालेसमा दिने तयारी गरेका छन् । उक्त पार्टीमा नेपाली सिनेमाका चर्चित कलाकार सहित ३ सय जना चलचित्रकर्मीको सहभागीता रहने बताइएको छ चलचित्र ‘स्वर’ मार्फत नेपाली रजतपटमा भित्रिएका यशराजले ‘मायाको बारी’ मार्फत चर्चा पाएका थिए ।बिहे बन्धनमा बाँधिएका नायक यशराजलाई हाम्रो तर्फबाट पनि शुभकामना ।