मनाङको लगातार दोस्रो जित मनाङ १-० मोहन बगान

भिडियो हेर्नको माथि को बक्स मा डबल क्लिक गर्नु होस्

काठमाडौ, श्रावण १५ - दीपक राईको लोभलाग्दो गोलसँगै लक्ष्मी हुन्डाई मनाङ-मस्र्याङ्दीले मोहन बगान सेल एकेडेमीलाई १-० ले पन्छाउँदै भुटानमा भइरहेको किङ्स कप फुटबलमा लगातार दोस्रो जित सोमबार हात पारेको छ । राष्ट्रिय टिमको बन्द प्रशिक्षणका ३० खेलाडीमा अटाउन असफल दीपकले खेलको एकमात्र एवं निणर्ायक गोल ५५ औं मिनेटमा गरेका थिए । उनले दुई डिफेन्सलाई छक्याउँदै पेनाल्टी क्षेत्रको ठीक बाहिरबाट प्रहार गरेको गोल निकै उत्कृष्ट भएको मनाङका सहायक प्रशिक्षक हेमन्त आलेले बताए । मुख्य प्रशिक्षक अमृत पन्तले अस्वस्थ अनुभव गरेपछि आलेले टिम सम्हालेका थिए । उनका अनुसार पन्त मंगलबार काठमाडौं र्फकंदैछन् । 'जुनियर टिम भए पनि मोहन बगानको टिम-वर्क राम्रो थियो । हाम्रा सबै खेलाडीले मिहिनेत गरेर राम्रो खेले । त्यसैले जित हात लाग्यो,' आलेले टेलिफोनमा कान्तिपुरलाई बताए । सन् २००४ को उपविजेता मनाङ बल पजेसनमा ६०-४० ले अघि रहेको दाबी गर्दै उनले थपे, 'हामीले सुधारिएको खेल पस्कियौं ।' उनका अनुसार फरवार्ड योना इलियस वान भर्सेस वानमा दुईपल्ट चुके । दीपक र सुजल श्रेष्ठको प्रहार बारमा लागे । पहिलो खेलमा भुटानको लिग च्याम्पियन यिदजिनलाई ३-१ ले हराएको मनाङ ६ अंकसहित समूह 'ए'को शीर्षस्थानमा उक्लियो । एनएमबी मछिन्द्र ४ अंकसहित दोस्रोमा छ । यिदजिनको ३, मोहन बगानको १ अंक छ । बंगलादेशको आराम्बागले अंकको खाता खोलेको छैन । गोर्खा कप च्याम्पियन मनाङले अब आरम्बाग र मछिन्द्रविरुद्ध खेल्नेछ । समूह 'बी' मा लक्ष्मी बैंक थ्री-स्टार र बंगलादेशको टिम बीजेएमसी मंगलबार भिड्दै छन् ।