यार्सागुम्बा संकलक मृत भेटिए

भिडियो हेर्नको माथि को बक्स मा डबल क्लिक गर्नु होस्

दार्चुला — दार्चुलामा एक यार्सागुम्बा संकलक मृत भेटिएका छन्। धारी गाविस ३ का ३३ वर्षीय देवसिँह कार्की मंगलवार मृत भेटिएका हुन्। यार्सा संकलन गरी घर फर्किदै गरेका कार्की सित्तोला गाविसको चाइमटेलामा मृत भेटिएका हुन्। उनी टाउको क्षतविक्षप्त अवस्थामा भेटिएको मृतकका काका प्रेमसिँह कार्कीले फोनमा बताए। गत वैशाख २० गते मृतक कार्की यार्सागुम्बा संकलन गर्न हिमाली भेग गएका थिए। साउन ६ गते घर फर्किन लागेको उनले घर परिवारकालाई खबर गरेका थिए। 'दुई दिन लाग्ने बाटोमा साता वित्दा पनि घर नपुग्दा खोजी गर्यौंई', मृतकका काका प्रेमसिँहले चाइमटेलाबाट टेलिफोनमा कुरा गर्दै भने, 'धेरै दिनको खोजविनपछि खोलामा मृत भेटायौं।' कार्कीको खोजी गर्न गाउँका २५-३० जनाको समुह यार्सा संकलन गरिने ठाउँतीर गएको थिए। मृतक कार्कीको साथमा आधा किलो भन्दा बढी यार्सागुम्बा रहेको उनका आफन्तजनले बताएका छन्। जिल्ला प्रहरी कार्यालयका प्रहरी निरिक्षक गणेश बलमे घट्नाबारे अनुसन्धान थालेको बताए। 'मृतकसित को को व्यक्ति घर फर्किदै थिए भन्ने पत्ता लगाउँदै छौं', प्रहरी निरिक्षक बमले भने, 'केही दिनमै घट्नाको यथार्थता पत्ता लाग्छ।'