भिडियो हेर्नको माथि को बक्स मा डबल क्लिक गर्नु होस्
नयाँदिल्ली (एएफपी), श्रावण ४ - भारतको सर्वोच्च अदालतले बिहीबार अधिकारीहरूलाई तेजाबको बिक्रीलाई नियन्त्रण गर्न आदेश दिएको छ । त्यहाँ महिलाले अस्वीकार गरेका केटामित्र वा अन्यले उनीहरूमाथि तेजाबले आक्रमण गर्ने घटना बढेपछि न्यायालयबाट यो निर्देशन जारी भएको हो । सर्वोच्चका न्यायाधीशहरूको एक समूहले यस्ता प्रत्येक आक्रमणका पीडितलाई सम्बन्धित राज्य सरकारले पुनस्र्थापना गराउनुपर्ने तथा क्षतिपूर्ति दिनुपर्ने भनेको छ । एक अन्तरिम निर्णयमा अदालतले पीडितलाई तीन लाख रुपैयाँ क्षतिपूर्तिको रूपमा र उपचारको खर्च तिर्न आदेश दिएको छ । क्षतिपूर्तिको स्तरका विषयमा अन्तिम निर्णय आउन बाँकी छ । सर्वोच्चले यो फैसला तेजाब आक्रमणको सिकार दिल्लीकी लक्ष्मीको याचिकामाथि सुनाएको हो । उनले आफू यस फैसलाबाट खुसी भएको बताएकी छन् । सर्वोच्चको यो दिशा निर्देशलाई पीडित महिला र अन्यको लागि ठूलो राहत मानिएको छ । यसै महिना यसै अदालतले महिलामाथि तेजाब आक्रमण रोक्न नीति तय गर्न असफल भएकोमा केन्द्रीय सरकारको आलोचना गरेको थियो । भारतमा खिया लागेको औजार सफा गर्न तेजाब उपयोग गरिन्छ । यो सजिलै पसलमा खरिद गर्न सकिन्छ । न्यायाधीशहरूले यस्ता तेजाबका खरिदकर्ताले आफ्नो परिचयपत्र देखाउनुपर्ने निर्देशन दिएका थिए । खुद्रा व्यापारीले पनि यस्ता खरिदकर्ताको नाम तथा ठेगानाको विवरण राख्नुपर्ने हुन्छ । भारतको कानुनअनुसार तेजाब आक्रमणबाट गम्भीर रूपमा घाइते भएमा आक्रमणकारीलाई १० वर्षसम्मको काराबासको सजाय हुन सक्ने व्यवस्था छ । अति गम्भीर मुद्दामा आजीवन काराबास हुन सक्छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.