बेलायतको शाही घरानामा नयाँ राजकुमार

भिडियो हेर्नको माथि को बक्स मा डबल क्लिक गर्नु होस्

८ साउन, काठमाडौं । बेलायतको राजपरिवारमा नयाँ राजकुमारको जन्म भएको छ । राजकुमार बिलियम र केट मिडलटनले छोरा जन्माएका छन् । राज दरवारले नयाँ सदस्यको आगमनबारे औपचारिक घोषणा गरेको छ ।  

केटले पश्चिमी लण्डनको सेन्ट म्यारी अस्पतालमा शाही बच्चा जन्माएकी हुन् ।

दरबारले जारी गरेको बक्तब्यमा डचेज र उनको सन्तान दुबै स्वस्थ रहेको उल्लेख छ । नवजात शिशुको वजन ३ किलो ६२८ ग्राम छ ।

शाही बच्चा जन्मको खबर परम्परा अनुसार बर्किघम प्यालेसमा सुसज्जित फ्रेममा राखेर सार्वजनिक गरिएको थियो । शाही बच्चाको जन्मको समयमा प्रिन्स विलियम्स पनि उपस्थित थिए । शाही परिवारको नयाँ सदस्यलाई पि्रन्स अफ क्याम्बि्रज नामले चिनिनेछ र उनी राजगद्दीको तेस्रो उत्तराधिकारी हुनेछ ।

शाही परिवारका नयाँ सदस्यको अगमनको घोषणा गर्ने समयमा ठूलो संख्यामा सुभचिन्तक र पत्रकार अस्पतालबाहिर उपस्थित थिए । उनीहरुले खुसी मनाएका छन् । शाही डाक्टरले नयाँ सदस्यको आगमनलाई अद्भुत बच्चा, सुन्दर बच्चा भनेका छन् ।

बेलायती प्रधानमन्त्री डेविड क्यामरुनले यसको स्वागत गर्नु भएको छ ।

बच्चाको नाम उपयुक्त समयमा घोषणा गरिने दरवारका प्रवक्ताले जनाए ।