भूतको पछि लाग्दै छिन् डेमी लोभाटो

भिडियो हेर्नको माथि को बक्स मा डबल क्लिक गर्नु होस्

हलिउड अभिनेत्री डेमी लोभाटो भूतको संसारतर्फ आकर्षित भएकी छिन् । उनले आफू मृत्युपछिको जीवनको बारेमा अध्ययन गर्न लागेको बताएकी छन् । सात वर्षको उमेरमा आत्महत्या नगर्ने सम्झौता पत्रमा हस्ताक्षर गर्न लगाइएको अभिव्यक्ति दिएर चर्चामा आएकी डेमीले टेक्सासस्थित आफ्नो घरमा भूत देखेको पनि बताएकी छिन् । सानै उमेरदेखि मानसिक समस्या भोगिरहेकी डेमीले आफूले घरमा एउटा युवतीको भूत देखेको र उनको नाम एमिली भएको बताएकी छिन् । आफूले भूत देखेकोले त्यसप्रति आकर्षित भएको उनले बताएकी छिन् । उनी सात वर्षको हुँदा उनको अनौठो व्यवहार देखेपछि विद्यालयका प्रधानाध्यापकले आत्महत्या गर्दिन भन्ने पत्रमा हस्ताक्षर गर्न लगाएका थिए । त्यो सम्झौता उनको आमाबाबुसामु गरिएको थियो । मानसिक अवस्थाको कारणले उनले धेरै समय पुनर्स्थापना केन्द्रमानै बिताइसकेकी छिन् ।