सर्वोच्चको आदेश मधेस विरोधी भएको सद्भावनाको आरोप

भिडियो हेर्नको माथि को बक्स मा डबल क्लिक गर्नु होस्

१ साउन, काठमाडौं । सद्भावना पार्टीले नागरिकताबिना मतदाता नामावलीमा नाम नलेखाउन सर्वोच्च अदालतले दिएको अन्तरिम आदेशको विरोध गरेको छ । सर्वोच्चको आदेश संविधान विपरित र मधेस विरोधी भएको उसले बताएको छ ।

चबवभलमचब सद्भावनाका अध्यक्ष राजेन्द्र महतोद्वारा जारी विज्ञप्तिमा भनिएको छ-’अन्तरिम आदेश आसन्न संविधान सभाको निर्वाचनलाई स्वच्छ, पारदर्शि र सहभागितामुलक बनाउने उद्देश्य र नेपालको अन्तरिम संविधान विपरित गरिएको घोर अलोकतान्त्रीक गैर संवैधानिक निर्णय रहेको छ ।’

सर्वोच्चको आदेशले आदेशले मधेशी, दलित, आदिवासी जनजाती लगायतका समुदायलाई राज्यको मुलधारबाट बहिष्कृत गर्ने कार्यलाई थप बल पुर्‍याउने विज्ञप्तिमा उल्लेख छ । नागरिकता नभएकालाई पनि मतदाता परिचय पत्र दिने निर्वाचन आयोगको निर्णयविरुद्ध परेको रिटमा न्यायाधीश सुशीला कार्कीको इजलासले मंगलबार नागरिकताबिना परिचय पत्र बनाउने काम तत्काल रोक्न अन्तरिम आदेश दिएको छ ।