कोरियामा सबै भन्दा बढी समस्या नेपालीहरुका

भिडियो हेर्नको माथि को बक्स मा डबल क्लिक गर्नु होस्

मीनप्रकाश उप्रेती, सउल - रोजगार अनुमति प्रणलीद्वारा कोरिया आएका विदेशी मध्ये सबै भन्दा बढी नेपालीहरुका समस्या आउने गरेका तथ्य सार्वजनिक भएको छ । कोरिया स्थित प्रवासी मजदुर सहयोग केन्द्रद्वारा सार्वजनिक गरिएको पछिल्लो प्रतिबेदनमा उक्त कुरा जनाईएको हो । जस अनुसार रोजगारका लागि कोरिया आएका १४ देशका नागरिक मध्ये नेपालीका मात्र ६३ प्रतिशत समस्या र गुनासहरु आउने गरेको उल्लेख गरिएको छ । बाँकी ३७ प्रतिशत अन्य १३ देशका नागरिकहरुको समस्या आउने गरेको पाइएको छ । प्रवासी मजदुर सहयोग केन्द्रमा आउने गरेका नेपालीका अधिकाशं समस्या कमंपनि परिवर्तन समन्धि रहेका छन् । तलब समयमा नदिएको, काम गर्दा कोरियनको पिटाई खानु परेको, कोरियाली श्रमकानुनले तोके अनुसारको सेवा र सुविधा नपाएको र एउटै कोठामा अन्य देशको नागरिकसँगै राखेको लगायतकाकारण कम्पनी परिवर्तन गर्न उजुरि गर्ने गरेका हुन । कोरियामा विदेशी मजदुरका समस्या सुन्ने र समन्धित ठाउमा कुरा उठाई दिने आठवटा प्रवासी मजदुर सहयोग केन्द्र रहेका छन् । यी सहयोग केन्द्रले संयुक्त रूपमा यस्तो प्रतिवेदन सार्वजनिक गरेका हुन । यी सहयोग केन्द्र मध्ये कोरियाको छनान र सुवनमा मात्र नेपाली कर्मचारी रहेका छन् भने अन्य क्षेत्रमा नेपाली कर्मचारि छैनन्। छनानमा विगत चार वर्षदेखि गिता राईले कार्य गर्दै आउनु भएको छ भने सुवनमा भने हालैमात्र प्रबिण राईलाई नियुक्त गरिएको छ । छनान प्रवासी मजदुर सहयोग केन्द्रकी नेपाली कर्मचारी गिता राईले कोरियामा नेपालीहरुका समस्या अरू देशको तुलनामा धेरै आउने गरेको बताउनु भएको छ । धेरै समस्याहरू वास्तविक रूपमा आए पनि कतिपयलेसाथि भाइको भनाइमा समस्या राख्न आउने गरेको राईको भनाई थियो । उता कोरिया सरकारले भने नेपाली प्रति देखाउदै आएको सदासहयतामा कमी नगरी नगरी पुर्ववत कोटालाई निरन्तरता दिदै आएको छ ।