नेकपा-माओवादीले चुनाव रोक्न सेनापति गुहार्ने

भिडियो हेर्नको माथि को बक्स मा डबल क्लिक गर्नु होस्

१५ असार, काठमाण्डौं । नेकपा-माओवादीले आगामी मंसिर ४ का लागि निर्धारित संविधानसभा चुनाव रोक्न सैनिक नेतृत्व गुहार्ने भएको छ । उक्त पार्टीका बरिष्ठ नेताले सरकार र चार राजनीतिक शक्तिले जबरजस्ती चुनाव गराउन खोजेकाले त्यसलाई रोक्न पार्टीले प्रधानसेनापति गौरवशमशेर राणासँग सिधै वार्ता गर्ने बताएका छन् । शुक्रबार राजधानीमा भएको एक कार्यक्रममा पार्टीका उपाध्यक्ष सिपी गजुरेलले भने, ‘खिलराज सरकार र चार शक्तिले जबरजस्ती चुनाव गराउन लागेकाले मुलुकलाई फेरि द्वन्द्वमा जानबाट रोक्न हामी सेनापतिसँग वार्ता गर्नेछौं ।’ चुनावको विपक्षमा रहेको एउटा मुख्य राजनीतिक शक्तिले निर्वाचन रोक्न सैनिक नेतृत्वसँग वार्ता गर्ने भनी दिएको अभिव्यक्तिलाई अर्थपूर्ण रुपमा लिएको शनिबार प्रकाशित अन्नपूर्ण पोष्टमा खबर छ । चुनाव रोक्न सेना गुहार्ने भनी राजनीतिक पार्टीले औपचारिक अभिव्यक्ति दिएको यो नै पहिलो घटना हो । माओवादीले खिलराज नेतृत्वको सरकार र चार राजनीतिक शक्तिसँग वार्ता नगर्ने अडान राख्दै आएको छ ।