पेनेलोपलाई अंग्रेजी बोल्न समस्या

भिडियो हेर्नको माथि को बक्स मा डबल क्लिक गर्नु होस्

स्पेनिस सुन्दरी पेनलोप क्रुजले आफूलाई अंग्रेजी भाषामा समस्या रहेकाले हलिउडका अंग्रेजी फिल्म खेल्न अप्ठ्यारो हुने गरेको खुलासा गरेकी छन् । अन्तर्राष्ट्रिय सञ्चारमाध्यमका अनुसार ३८ वर्षीया नायिकाले आफूले फिल्मी करियर शुरू गर्दा थोरै मात्र अंग्रेजी बोल्ने गरेको बताउँदै छिमेकी देशको भाषा बोल्न हरेक व्यक्तिलाई समस्या हुने खुलाइन् । ‘हरेक भाषाको शब्द सबैको दिमागमा रहन्छ भन्न सकिँदैन, त्यसैले केही यस्ता भाषा पनि छन्, जो बोल्न निकै समस्या पर्छ,’ उनले भनेकी छन्– ‘जब हामी विदेशी भाषाको फिल्ममा काम गर्छांै, त्यो बेला प्रत्येक सेकेन्ड त्यहाँको भाषाबारे सोच्नुपर्छ । यो निकै गाह्रो कुरा हो, तर म यो गाह्रो कुरा भयो भनेर कम्प्लेन गर्दिनँ, किनकि सिक्दै गएपछि सजिलो पनि होला ।’