भिडियो हेर्नको माथि को बक्स मा डबल क्लिक गर्नु होस्
२१ चैत, काठमाडौं । पार्टी मुख्यालय सानेपामा आयोजित नेपाली कांग्रेसको केन्द्रीय कार्यसमिति बैठकमा बुधबार सभापति सुशील कोइराला आक्रोशितरुपमा प्रस्तुत हुनुभयो । रेग्मी नेतृत्वमा सरकार गठन भएकोमा असहमति राख्दै आएका केन्द्रीय नेताहरुले बोल्न खोज्दा कोइरालाले एउटै कुरालाई धेरै नदोहोर्याउन आग्रह गर्नुभयो ।
बुधबारको बैठकमा रेग्मीले प्रधानन्यायधीश पदबाट राजीनामा दिनुपर्ने भन्दै केन्द्रीय सदस्य अर्जुननर सिंह केसी, बलबहादुर केसी र एनपी साउदले बोल्ने प्रयास गर्नुभएको थियो । तर, पूरै बोल्न नपाउँदै कोइरालाले भन्नुभयो- ‘कति सिजे-सिजे भनेर एउटै कुरा दोहोर्याइरहनुहुन्छ ?’
सभापति कोइरालाले आक्रोश पोखेपछि अर्का नेता पूर्णबहादुर खड्काले हामीले बैठकमा कुरा राख्न किन नपाउने ? भन्दै गुनासो गर्नासाथ कोइरालाले रेग्मीलाई सरकार प्रमुख किन बनाउनुपर्यो भन्नेबारे रामचन्द्र पौडेलको प्रतिवेदनमा विस्तृतरुपमा उल्लेख भैसकेको बताउनुभयो । ‘रामचन्द्रजीको दस्ताबेजमा सबै कुरा उल्लेख भएकै छ, त्यसमा चित्त बुझ्दैन भने म भोटिङ गराइदिन्छु ।’- कोइरालाको भनाइ उधृत गर्दै एक केन्द्रीय सदस्यले अनलाइनखबरलाई बताए ।
बुधबारको बैठकमा उपसभापति रामचन्द्र पौडेलले राजनीतिक प्रतिवेदन पेश गर्नुभएको थियो भने महामन्त्री कृष्ण सिटौलाले विधान संशोधन प्रस्ताव र अर्का महामन्त्री प्रकाशमान सिंहले वाषिर्क प्रतिवेदन पेश गर्नुभएको थियो । बिहीबारको बैठकमा कोषाध्यक्षले चित्रलेखा यादवले पार्टीको आर्थिक प्रतिवेदन पेश गर्ने कार्यक्रम छ । बैठकमा प्रस्तुत दस्ताबेजमाथि बिहीबारदेखि छलफल हुने बताइएको छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.