जहाँ समस्या, त्यहीं स्टाइल

भिडियो हेर्नको माथि को बक्स मा डबल क्लिक गर्नु होस्

नीता ढुंगाना नेपाली फिल्म क्षेत्रमा आएदेखि न अगाडि बढ्न सकेकी छिन्, न त पछाडि नै परेकी छिन् । असफल भइनसकेकी उनी सफल पनि हुन सकेकी छैनन् । तर फिल्मको नायिका बनेरै सफलता पाउन लालायित छिन् । दुर्भाग्य नै भन्नुपर्छ सवारी दुर्घटनामा परेर गाला कोरिएपछि उनी झन्डै आधा महिना पर्दामा आउन सकिनन् । दुर्घटनाका कारण गालामा भएको उनको घाउ त पुरियो तर दागले छोडेन । पर्दामा सुन्दरता झल्काउने अनुहारमै दाग बसेपछि उनलाई समस्या पर्‍यो । पर्दामा त अनेकन उपाय लगाएर दाग लुकाउन सकिन्छ, फिल्मका सभा समारोहमा सधैं यसो गर्न त सम्भव नहुन पनि सक्छ । तर बाठी स्वभावकी नीतालाई यसो गर्न पनि सम्भव भयो । जस्तो हेर्नोस् न योगेश घिमिरेको निर्देशन र निर्मात्री तथा अभिनेत्री प्रज्ञा जोशीको निर्माणमा बनिरहेको फिल्म नोटबुकले अचानक सुटिङ स्थलमै पत्रकार सम्मेलनको आयोजना गरिदियो । आफैंले अभिनय गरिरहेको फिल्मको पत्रकार सम्मेलनमा त उपस्थित हुनै पर्‍यो । तर सम्मेलनमा सहभागी हुने क्रममा सञ्चारमाध्यमका फोटोग्राफर र क्यामराम्यानले तस्वीर भिडियो त खिच्ने नै भए । क्यामरा आफूतर्फ फर्किंदा गालाको दाग प्रस्टै देखिने समस्या उनलाई थियो । नीताले आइडिया लगाइन् । दाग भएको गालातिरको भागलाई हरहमेसा कपालले छोपिदिइन् । स्टाइल पनि देखिने दाग पनि छोपिने ? वाह ? क्या आइडिया मिस ढुंगानाको ।