प्रेम टुटेपछि संसारै अधुरो

भिडियो हेर्नको माथि को बक्स मा डबल क्लिक गर्नु होस्

प्रेम टुट्नुको पीडा जोकोहीलाई पनि गहिरो नै हुन्छ । हलिउड नायक रोबर्ट पेटिन्सन पनि प्रेमिका नायिका क्रिस्टिन स्टिवार्टसँगको तीन वर्ष लामो सम्बन्ध टुटेपछि संसार नै सकिएको अनुभव गरिरहेका छन् । फिल्म स्नो ह्वाइट एन्ड द हन्ट्समेन निर्देशक रूपर्ट सेन्डर्ससँग क्रिस्टिन रोमान्समा लिप्त भएको तस्वीर गत महिना सार्वजनिक भएपछि रोबर्टले क्रिस्टिनलाई छाडेका थिए । उनलाई छाडेको करिब महिना दिनपछि द डेली शो नामक टेलिभिजन कार्यक्रममा पहिलोपटक सार्वजनिक भएका रोबर्टले ‘प्रेमबाट बिछोडिनु ठूलो पीडा हो’ भनेका छन् । शो सञ्चालक जोन स्टिवार्टले नायकलाई बेन एन्ड जेरी ब्रान्डको आइसक्रिम खाँदा पीडा कम हुने भन्दै ब्रेकअपको बारेमा कुरा गरेका थिए । रोबर्टले तत्कालीन कुरा केही नगर्न अनुरोध गरे पनि प्रेम टुट्दा विश्व नै सकिएको महसुस हुने कुरालाई स्वीकारेका थिए ।