तीन बर्षमा १ लाख घरेलु उद्योग बन्द

भिडियो हेर्नको माथि को बक्स मा डबल क्लिक गर्नु होस्

२१ चैत, काठमाण्डौं । बढ्दो लोडसेडिङ, बैंक व्याजदर र श्रमिक अभावले तीन बर्षयता १ लाख ५ हजार घरेलु तथा साना उद्योग बन्द भएका छन् । आर्थिक बर्ष ०६६/६७ मा २ लाख ३० हजार यस्ता उद्योग अहिले १ लाख २५ हजारमात्र सञ्चालनमा छन् । ‘सञ्चालनमा रहेका उद्योगको अवस्था पनि दयनीय छ,’ घरेलु तथा साना उद्योग महासंघका महासचिव विष्णुबहादुर लुईटेलले भने । घरेलु तथा साना उद्योग विभागको सहयोगमा महासंघले प्रत्येक जिल्लामा सञ्चालित उद्योगको तथ्यांक संकलन गरेको हो । उनका अनुसार कुल दर्तामध्ये ३५ देखि ४० प्रतिशत उद्योगले काम नै सुरु गरेका छैनन् । ‘काम गर्ने उद्योगले पूर्वाधार र कच्चा पदार्थ अभाव, बरारीकरण, व्याजदर, उर्जा तथा श्रम समस्याले निरन्तरता दिन नसेका हुन्,’ उनले भने, कारोबार दैनिकमा खबर छ । महासंघ अध्यक्ष सुरेश प्रधानले औद्योगिक वातावरण अभावले साना उद्योग दिनानुदिन धराशायी बन्दै गएको बताए । ‘हामीकहाँ अनुकुल औद्योगिक वातावरण छैन्, जसको चपेटामा साना र घरेलु उद्योग बढी परेका छन्,’ उनले भने । नेपालमा कुल ग्राहस्थ उत्पादनमा औद्योगिक क्षेत्रको योगदान ६ प्रतिशत छ । त्यसमध्ये ८० प्रतिशत योगदान घरेलु तथा साना उद्योगको रहेको प्रधानको दाबी छ ।