नेपाली कामदार इराक जान पाउने

भिडियो हेर्नको माथि को बक्स मा डबल क्लिक गर्नु होस्

२१ चैत, काठमाण्डौं । सुरक्षाका दृष्टिबाट संवेदनशील मानिएको मध्यपूर्वी देश इराकमा कामका लागि जाने अनुमति दिन श्रम तथा रोजगार मन्त्रालयले प्रक्रिया सुरु गरेको छ । उसले इराकको राजधानी बग्दादस्थित दक्षिण कोरियाली दूतावासले १३ नेपाली कामदार मागेकाले श्रम स्वीकृतिलाई सिफारिस गर्ने निर्णय गरेको हो । इराकमा साढे ८ बर्षअघि १२ नेपालीको एक आतंकवादी समूहले सामुहिक हत्या गरेपछि ०६१ भदौ १६ गतेदेखि सरकारले कामका लागि प्रतिबन्ध लगाउँदै आएको छ । श्रम मन्त्रालयमा सोमबार भएको बैठकले ‘बग्दातस्थित कोरियन दूतावासबाट माग भइ आएकाले श्रम स्वीकृति दिने प्रक्रिया अघि बढाउन सिफारिस गर्ने निर्णय गरियो’ भनेको छ । मन्त्रालयको श्रम सम्बन्ध महाशाखाका प्रमुख सहसचिव विनोद केसीको अध्यक्षतामा श्रम, परराष्ट्र, वैदेशिक रोजगार विभाग र वैदेशिक रोजगार व्यवसायी संघका प्रतिनिधिको बैठकले सिफारिसको निर्णय गरेको हो । ‘कूटनीतिक निकायमा कामदार पठाउन मन्त्रालयको निर्देशन मागेका थियौं, जुन १३ जना कामदारको हकमा प्राप्त भएको छ,’ विभागका निर्देशक तथा प्रवक्ता दिवस आचार्यले जानकारी दिएको कान्तिपुर दैनिकमा खबर छ । उनका अनुसार मन्त्रालयमा भएको बैठकले गरेको यो सिफारिस सचिवस्तरीय निर्णय भएपछि लागू हुनेछ ।