भिडियो हेर्नको माथि को बक्स मा डबल क्लिक गर्नु होस्
कुकुर मान्छेको इमान्दार जनावर साथी मात्र होइन यो धुर्त पनि हुन्छ । शोधकर्ताहरुका अनुसार मान्छेको भावना वा अवस्था बुझेर मान्छेलाई छक्याउँदै आफ्नो स्वार्थपूर्ति गर्न कुकुर निकै चलाख हुन्छ ।
मानवीय दृष्टिकोणबाट परिस्थितिलाई बुझ्न कुकुर धेरै हदसम्म सक्षम हुने शोधकर्ताहरुले बताएका छन् । उनीहरुका अनुसार उसलाई निषेध गरिएको वा खान नदिइएको खानेकुरा मान्छेको आँखा छलेर चोर्ने काममा कुकुर निकै बाठो हुन्छ । खासगरी अँध्यारोमा मान्छेले देख्न नसक्ने मौका पारेर यस्ता खानेकुरा हात पार्न कुकुर ढुकिरहेको हुन्छ ।
कुकुरले आफ्नो मालिक रिसाएको छ की खुसी भएको छ ? त्यो कुरा बुझ्छ र सोही अनुरुप आफ्नो व्यवहार परिवर्तन गर्छ । एनिमल कग्निसन नामक पत्रिकामा प्रकाशित समाचार अनुसार आफ्नो मालिकको अगाडि निकै इमान्दार देखिएपनि मालिकले नदेख्ने परिस्थितिमा कुकुरले इमान्दारिता त्याग्छ र आफ्नो औकात देखाइहाल्छ । घरभित्र खानेकुरा समेत भएको कोठामा मालिकसँग बसिरहेको कुकुर उज्यालोमा त्यो खानेकुरा छुन जाँदैन, तर जब बत्ति निभाइन्छ वा अँध्यारो पारिन्छ तब उक्त कुकुरले आफुलाई मालिकले नदेख्ने ठान्छ र लुसुक्क त्योे खानेकुरा भाठौँ पुगेर खाइहाल्छ । अँध्यारोमा मान्छेले देख्न सक्दैन भन्ने कुराको हेक्का कुकुरलाई भएको बेलायतको पोर्टस्माउथ विश्वविद्यालयकी शोधकर्ता जुलियन कामिन्स्की बताउँछन् । तर मान्छेको सुखदुखमा कुकुरले आफ्नो अनुहार पनि दुखी वा हँसिलो बनाएर साथ दिन्छ भन्ने यसअघिको मान्यता भने गलत रहेको उनको भनाइ छ ।
उनका अनुसार कुकुरले मान्छेको सुखदुखमा आफ्नो अनुहार पनि उस्तै पारेर साथ दिन्छ भन्ने कुरा केवल मान्छेको सोँचाई वा अनुमान मात्र हो ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.