बाँकेमा १ सय ९४ थान हतियार संकलन

भिडियो हेर्नको माथि को बक्स मा डबल क्लिक गर्नु होस्

२६ चैत, नेपालगन्ज । जिल्ला प्रहरी बाँकेले १ सय ९४ थान हतियार संकलन गरेको छ । अबैध हतियार बुझाउन दिएको ३५ दिने म्यादमा जम्मा भएका हतियारहरु प्रहरीले सोमबार सार्वजनिक गरेको छ । जम्मा भएका ६५ प्रतिशत बन्दुक काम लाग्ने अवस्थामा छन् भने बाँकी विग्रिएका छ्न् ।

जिल्लामा रहेका अवैध हतियारहरु प्रहरीलाई बुझाउको लागि गत फागुन २० गते मात्र सार्वजनिक सूचना आव्हान गरेको थियो । संकलित हतियारमा सबै भन्दा बढि भरुवा बन्दुक छन् । जिल्लाको निकुञ्ज आसपासका क्षेत्रबाट सबैभन्दा बढि हतियार संकलन भएको प्रहरीको दावी छ । प्रहरीका अनुसार सबै भन्दा बढी हतियार बाँकेको बैजापुरबाट संकलन भएको जनाएको छ ।

प्रहरीले कटुवा पेस्तोल ४ थान, दुईनाले भरुवा बन्दुक ३ थान, १२ बोर १नाले १ थान, १२बोर २ नाले १ थान, एयरगन १ थान र भरुवा बन्दुक १ सय ८४ थान गरी १ सय ९४ थान हतियार सार्वजनिक गरेको छ ।

प्रहरीले अबैध हतियार बुझाउन ३० दिनको म्याद समेत थप गरेको छ । हतियार सार्वजनिक गर्दै बाँकेका प्रहरी प्रमुख तथा प्रहरी उपरीक्षक भुपालकुमार भण्डारीले भन्नुभयो-’हामीले आव्हान र अपेक्षा गरे अनुसार सबै हतियार जम्मा नभएकोले पुनः सुूचना पुगेन कि भन्दै फेरी सोमबारदेखि लागू हुने गरी ३० दिनमको सूचना जारी गरेका छौ ।’