छोरा बोकेर मकाउ पुगिन् ‘तुलसी’

भिडियो हेर्नको माथि को बक्स मा डबल क्लिक गर्नु होस्

चलचित्र ‘तुलसी’ को विशेष प्रदर्शन मकाउमा गरिएको छ । मकाउमा पहिलो पटक नेपाली सिनेमाको प्रदर्शन गरिएको हो । चलचित्रको प्रदर्शनका लागि निर्देशक शंकर घिमिरे, नायिका ऋचा घिमिरे मकाउ पुगेका हुन् । शंकर र ऋचाको साथमा उनका ९ महिने छोरा मिजास घिमिरे पनि मकाउ पुगेका छन् ।चलचित्रको प्रिमियर ‘मकाउ कल्चर सेन्टर’ मा नेपाली राष्ट्र गानसँगै भएको थियो । अन्तरराष्ट्रिय नारी दिवसको अवसर पारेर चलचित्रको विशेष प्रदर्शन मकाउमा गरिएको हो । चलचित्रको नेपाल प्रदर्शन भने टुङ्गो लागिसकेको छैन । चलचित्रका ऋचा घिमिरेको साथमा विमलेश अधिकारीले पनि अभिनय गरेका छन् । चलचित्रको आयोजना गैह्र आवसिय नेपाली संघ मकाउले गरेको हो । नेपाली सिनेमालाइ अझै उचाइमा पुर्‍याउने उद्देश्यका साथ सिनेमाको विशेष प्रदर्शन गरिएको आयोजकको भनाई छ ।