केटको गुपचुप बिहेको खुलासा

भिडियो हेर्नको माथि को बक्स मा डबल क्लिक गर्नु होस्

हलिउड अभिनेत्री केट विन्स्लेटले आफ्नो पार्टनर नेड रकएनरोलसँग अमेरिकाको न्युयोर्कमा एक गोप्य समारोहबीच विवाह गरेको खुलासा भएको छ । सन् २०१२ को डिसेम्बरको प्रारम्भतिर भएको सो विवाहमा उनका दुई सन्तान, केही साथी र परिवार सरिक भएका थिए । पिपुल म्यागजिनले उक्त विवाहमा लियोनार्डो डिक्याप्रियो सरिक भएको खबर छापेपछि मात्र एक वर्षअघिको उनको विवाहको घटना सार्वजनिक भएको हो । ओस्कारविजेता केटको विवाहभन्दा केही महिनाअघि सर रिचर्ड ब्रान्सनका भान्जा नेडसँग इन्गेजमेन्ट भएको थियो । केटको यसअघि जिम थ्रिप्लेटन र साम मेन्डेससँग विवाह भएको थियो । केट र डिक्याप्रियोले अभिनय गरेको टाइटानिकले अपार सफलता हासिल गरेको थियो । आफ्नो पुरानो नाम एवेल स्मिथ त्यागेका नेड आफ्नो मामाको स्पेस फ्लाइट कम्पनी भर्जिन ग्यालाक्टिकमा काम गर्छन् ।