भुवनसँग फिल्म खेल्न सुष्मिताको सर्त

भिडियो हेर्नको माथि को बक्स मा डबल क्लिक गर्नु होस्

भुवन केसी र सुष्मिता केसीबीचको सम्बन्ध सकिएकै रहेछ भन्ने कुरामा हुइयाँ बल्ल पूर्णतया विश्वस्त भएको छ । सुनिल रावलको निर्माणाधीन फिल्म होस्टलमा सुष्मिता म्याडमले देखाएको हर्कतपछि हुइयाँ भुवनसँगको उनको सम्बन्ध वास्तवमै सकिएकोमा पक्का भएको हो । होस्टलका लागि त्यसको निर्माण समूहले सुष्मितालाई भुवनको पत्नीको भूमिकामा अफर गरेछ । होस्टलमा भुवनका साथ सुष्मितालाई पनि अफर गरिएपछि एकै छानामुनि बस्न छोडेका भुवन–सुष्मितालाई रियल लाइफमा सँगै नदेखिए पनि रिल लाइफमा देखिने भयो भनेर हुइयाँ दंग थियो । यो जोडीको छोरा अनमोल केसीले समेत हिरोमा चान्स पाएको फिल्ममा उनका बाबुआमालाई पनि साथै देखिने भएपछि हुइयाँ खुसी हुनु स्वाभाविक पनि थियो । सुष्मिता पनि शुरूमा भुवनसँग खेल्न तयार भइन् । तर ससर्त । सर्त थियो भुवन र आफ्नो सिन छुट्टाछुट्टै खिच्नुपर्ने । निर्माण संस्था लगभग लगभग यो सर्त मान्न तयार भयो । त्यसपछि सुष्मिताले सवाल खडा गरिन्– ‘लास्टमा हाम्रो क्यारेक्टर मिल्छ कि मिल्दैन ?’ जब, जवाफ ‘मिल्दैन’ भन्नेमा आयो, सुष्मिता भड्किएको देखेर हुइयाँको समेत सातो गयो । सुष्मिता तर्किइन्– ‘हामी बाहिर मिल्न सक्दैनौं भने फिल्ममा चाहिँ किन मिल्ने ? कि त हाम्रो क्यारेक्टर लास्टमा पनि नमिल्ने बनाउनु पर्यो, नभए म फिल्म खेल्दिनँ ।’ निर्माण समूह सुष्मिताका लागि कथा नै परिवर्तन गर्न तयार भएन । भुवन–सुष्मितालाई फिल्ममै भए पनि सँगै हेर्ने हुइयाँको सपना भताभुंग भयो ।