नृत्यकी खानी नीतु नानी

भिडियो हेर्नको माथि को बक्स मा डबल क्लिक गर्नु होस्

यो हरेकजसो डान्स कम्पिटिसनमा उत्कृष्ट हुने प्रतिभाको नाम हो । स्कुल पढ्दादेखि नै डान्स कार्यक्रममा अग्रस्थानमा रहने उनी केही समययता काठमाडौंका थुप्रै कार्यक्रम र महत्त्वपूर्ण विज्ञापनमा देखिने गर्छिन् । नृत्यका कार्यक्रम र विज्ञापन मोडलिङका कारण नीतुलाई हिजोआज भ्याईनभ्याई छ । गत साल मिस नेपालमा भिडेकी उनी फाइनल राउन्डसम्म पुगेर पनि खाली हात फर्कनुपरेछ । ‘थोरै मात्र कमजोरीले मिस नेपाल हुन सकिनँ’, उनले दाबी गरिन्– ‘तर म यो कम्पिटिसनमा भाग लिन छोड्दिनँ र एकपटक मिस नेपाल भएरै छोड्छु ।’ दर्जनौं राष्ट्रिय स्तरका बेस डान्स कम्पिटिसनमा भाग लिएर थुपै्र अवार्डले बैठक कोठा छपक्कै भरेकी नीतुको गुनासो छ– ‘हेर्नुस् न मैले कति अवार्डहरू जितें, तर खोई यसको कतैबाट कदर भएको महसुस गर्न पाएकी छैन ।’ तीजका दर्जनौं गीतको म्युजिक भिडियोमा नृत्य गर्दै आएकी नीतुले लोक र आधुनिक गीतमा मात्र होइन, विभिन्न बैंकको विज्ञापनमा समेत मोडलिङ गरेकी छिन् । जिफन्टअन्तर्गतको ब्युटिसियनको केन्द्रीय सदस्य रहेकी यिनले एक दर्जन जति टेलिफिल्म पनि खेलिसकेकी छिन् । सानैदेखि फिल्म क्षेत्र मन पर्ने भएकाले आफू यतै लागेको तथा अब यो नसा बनिसकेको अनुभूति नीतुलाई हुँदो रहेछ । ‘इम्याजिन आर्टिस्टका रूपमा अगाडि बढ्छु –उनको दृढता छ ।