एकसाथ सिनेमा खेल्ने अनु र निताको चाहना

भिडियो हेर्नको माथि को बक्स मा डबल क्लिक गर्नु होस्

नायिका निता ढुंगाना र अनु शाहको चिनजान भएको डेढ बर्ष भयो । डेढ बर्षको अन्तरालमा उनीहरु एकदमै नजिक भएका छन् । दुबै फुर्सदमा भएको समयमा एक अर्कासँगै हुन्छन् ।म्युजिक भिडियो र सिनेमाको पर्दामा आशा लाग्दा यि दुई कलाकार मिल्ने साथी पनि हुन् । निता र अनुको दोस्ती पोखरामा एक म्युजिक भिडियोको छायांकनको क्रममा भएको हो । यसपछि यि दुई ज्यादै निकट भएका थिए । अनु र निता सिनेमामा सँगै काम गर्न चाहन्छन् । तर आजसम्म यस्तो अवसर नजुटेकोमा यि दुई अचम्ममा छन् । निताले भनिन्, ‘मलाई अफर आएको सिनेमामा अनुको अवसर जुट्दैन, अनुलाई अफर आएको सिनेमामा मलाई अवसर जुट्दैन ।

सिनेमा नगरीमा यि दुई आ आफ्नै तबरले चर्चामा छन् । अनु सोझी नायिका भनेर चिनिन्छिन् । निता राम्रो अभिनय र नृत्य गर्ने नायिकाको रुपमा परिचित छिन् । ‘हामी दुई एउटै सिनेमामा काम गर्न चाहन्छौ, तर अवसर नजुरेकोमा दुखीत पनि छौ’, अनलाइनखरबसँग निता र अनुले भने ।

एकअर्काको लागि ज्यान समेत दिन तयार रहेको बताउने निता र अनुलाई एउटै सिनेमामा काम गर्ने अवसर कहिले मिल्ला, त्यो समयले नै बताउने छ ।