पूर्वरानी थाइल्यान्ड प्रस्थान

भिडियो हेर्नको माथि को बक्स मा डबल क्लिक गर्नु होस्

काठमाडौं, (नेस) पूर्वरानी कोमल शाह र पारसकी जेठी छोरी पूर्णिका हिजो बुधबार थाइल्यान्ड जानुभएको छ। थाइल्यान्डको समितिभेज अस्पतालमा उपचारपछि थाइल्यान्डबाट ७ सय किमि टाढा रहेको सुधारकेन्द्रमा भर्ना हुन पुग्नुभएका पूर्वयुवराज पारसलाई भेट्न थाइल्यान्ड जानुभएको हो। जेठी छोरीले बुबा पारसलाई भेट गर्ने चाहना गरेपछि उनकी हजुरआमा पूर्वरानी कोमलले थाइल्यान्ड लग्नुभएको हो। करिब एक साताअघि सुधारकेन्द्रमा भर्ना भएका पारसको अहिलेको अवस्था सामान्य रहेको पारिवारले जनाएका छन्। पारसलाई सहयोग गर्न बुबा ज्ञानेन्द्र, श्रीमती हिमानी र बहिनी प्रेरणा करिब डेढ महिनादेखि थाइल्यान्डमै रहँदै आउनुभएको छ। थाइल्यान्डमा रहनुभएका पूर्वराजाको परिवार कहिले नेपाल फर्कने भन्ने विषयमा कुनै जानकारी नभएको पारिवारिक स्रोतले जनाएको छ।