चोरसहित मोटरसाइकल नियन्त्रण

भिडियो हेर्नको माथि को बक्स मा डबल क्लिक गर्नु होस्

काठमाडौ, चैत्र २६ - ट्राफिक प्रहरी महाशाखाले मोटरसाइकल चोरीमा संलग्न गिरोहका चारजनासहित चोरीका मोटरसाइकल नियन्त्रणमा लिएको छ । राजधानी नजिकका जिल्लाबाट उनीहरूलाई नियन्त्रणमा लिइएको हो । ट्राफिक प्रवक्ता डीएसपी पवन गिरीका अनुसार मोटरसाइकलसहित पक्राउ परेका चोरीमा संलग्न मकवानपुर आग्रा ६ का राजेन्द्र तामाङ, दोलखा डाँडाखर्क-९ का राकेश भन्ने निकेश लामा, काभ्रे पुरानो गाउँ-१ का हरिकृष्ण श्रेष्ठ र मकवानपुर दामन-६ का अक्रोज केसीलाई महानगरीय प्रहरी परिसर हनुमानढोकामा आवश्यक अनुसन्धानका लागि बुझाइएको छ । विभिन्न मितिमा हराएका बा२५प ११६२ नम्बरको पल्सर, बा४७प ७५१५ नम्बरको पल्सर, बा३४प ४१२० नम्बरको पल्सर, बा७प ३३६३ नम्बरको स्प्लेन्डर, बा१९प २८८१ नम्बरको स्प्लेन्डर, बा४४प ९६५१ नम्बरको पल्सर र बा४३प ९७८८ नम्बरको पल्सर मोटरसाइकलसमेत ट्राफिक प्रहरीले फेला पारेको छ । डीएसपी गिरीले मोटरसाइकल चोरहरूको गिरोहमध्येकै सदस्यहरू भएको बताए । यसअघिका चोरी घटनामा पनि उनीहरूको संलग्नता देखिएको छ । वास्तविक नम्बर प्लेट परिवर्तन गरी चलाइरहेको अवस्थामा ट्राफिक प्रहरीले चोरी गर्ने व्यtmिसहित मोटरसाइकलहरू फेला पारेको ट्राफिक प्रहरी महाशाखाको पीडित सहायता इकाइले जनाएको छ । उनीहरूमाथि थप अनुसन्धान भइरहेको प्रहरीले जनाएको छ ।