डिभोर्स गर्ने दम्पतीका सन्तानले चुरोट खाने खतरा

भिडियो हेर्नको माथि को बक्स मा डबल क्लिक गर्नु होस्

सम्बन्ध विच्छेद गर्ने श्रीमान श्रीमतीका छोराछोरी धूमपानको लतमा फस्ने खतरा धेरै हुने एक अध्ययनले देखाएको छ ।

क्यानडाको टोरन्टो विश्वविद्यालयका शोधकर्ताहरुले गरेको अनुसन्धानले डिभोर्स गर्ने दम्पतीका सन्तानले डिभोर्स नगर्ने दम्पतीका सन्तानको तुलनामा धूमपान गर्न सिक्ने सम्भावना बढि रहेको देखाएको हो ।

अध्ययन अनुसार कुनैपनि किशोर जो आफु १८ वर्षको हुनुभन्दा अगाडि आफ्ना बुवा आमाको सम्बन्ध विच्छेद हुन्छ उसले धूमपान गर्न सुरु गर्ने सम्भावना ४८ प्रतिशत बढि हुन्छ । त्यस्तै सम्बन्ध विच्छेद गरेका दम्पतीकी छोरीले धूमपान गर्ने सम्भावना ३९ प्रतिशत बढि हुन्छ ।

शोधकर्ताहरुका अनुसार आफ्ना बाउआमाको सम्बन्ध विच्छेद र छोराछोरीको धूमपानको लतबीच यस्तो गहिरो सम्बन्ध हुनुका विभिन्न कारण हुन्छन् । जसमध्ये शिक्षाको स्तर कमजोर हुनु र परिवारको आर्थिक अवस्था कमजोर हुनु मुख्य कारण हो ।

त्यस्तै आमाबुवा अलग भएको देखेका छोराछोरीमा नैराश्यता तथा डिप्रेसन समेत देखिन्छ । कतिपयमा विभिन्न खालका यौनिक, भौतिक तथा मानसिक दुव्र्यवहारका लक्षण समेत देखा पर्छन् । खासगरी बाउआमाको डिभोर्सका कारण भएको डिप्रेसन तथा तनाव र पीडा भुलाउन युवायुवतीले धूमपान गर्ने गरेको निष्कर्ष शोधकर्ताहरुको छ ।