सेन्सरमा अडि्कयो ‘नजिता’, निर्देशक भन्छन्, ‘कर्मचारी खाजा कुरेर बस्छन्’

भिडियो हेर्नको माथि को बक्स मा डबल क्लिक गर्नु होस्

प्रमोद भण्डारीको निर्देशनमा तयार भएको चलचित्र ‘नतिजा’ पनि सेन्सरको झमेलामा फसेको छ । चलचित्रमा समावेश केही दृश्य काटेर सेन्सर बोर्डले पीजी सर्टिफिकेट दिने भनेपछि निर्देशक भण्डारी आक्रोशित भएका हुन् ।निर्देशक भण्डारीले भने, ‘सेन्सर बोर्डमा सिनेमा नवुझेका कर्मचारी हुँदा चलचित्रकर्मीले दुख पाइरहेका छन् ।’ उनले सेन्सरका कर्मचारीले सिनेमा हेर्न भन्दा पनि खाजा कुर्ने, मोबाइलमा कुरा गर्ने जस्ता व्यवहार देखाउने बताए ।

सिनेमा वुझेको मान्छे बोर्डमा नआएसम्म आफूहरुले दुख पाउने उनको भनाई छ । स्वेत मानन्धर, हषिर्का श्रेष्ठ लगायतका कलाकारले अभिनय गरेको चलचित्रका केही दृश्यहरु काट्न बोर्डले भनेको हो ।

निर्देशक भण्डारीले दृश्य काटेर पीजी सर्टिफिकेट दिनुको कुनै अर्थ नभएको बताए । चलचित्रले जवानीमा होश नपुर्‍याउदा आइपर्ने ‘नतिजा’ को बिषयलाई उठान गरेको छ ।