लेडी गागा ज्योतिषको शरणमा

भिडियो हेर्नको माथि को बक्स मा डबल क्लिक गर्नु होस्

अमेरिकी गायिका लेडी गागा पनि ज्योतिषशास्त्रमा विश्वास गर्न थालेकी छन् । आफ्नो विश्व संगीत यात्राको पूर्वतयारीमा रहेकी गागाले ज्योतिषीको एक समूहलाई भेटेर यात्राको भविष्यबारेमा हात हेराएकी छन् । उनले आफ्नो भाग्य आफ्नो पक्षमा नरहेको भन्दै ज्योतिषको शरणमा गएको अन्तर्राष्ट्रिय सञ्चारमाध्यमले जनाएका छन् । आफ्नो पछाडि बुध ग्रह बढिरहेकाले भविष्यको स्थिति अझ बिग्रिने चिन्ता गागालाई रहेको छ । ‘ज्योतिषको सल्लाहअनुसार गागाले आफ्नो जन्मकुण्डली उनीहरूलाई देखाएकी छन्,’ सञ्चारमाध्यमले समाचारमा भनेका छन्– ‘भगवान्प्रति विश्वास गर्नुले पनि गागाको यात्रा राम्रो हुनेमा ज्योतिषको विश्वास छ ।’