तिब्बतको राजधानी ल्हासा नजिकको सुन खानीमा पुरिए ८३ मजदूर

भिडियो हेर्नको माथि को बक्स मा डबल क्लिक गर्नु होस्

तिब्बतको राजधानी ल्हासा नजिक भएको भूस्खलनमा परी ८३ जना खनिज मजदूर पुरिएर वेपत्ता भएका छन् । उनीहरुको खोजीका लागि एक हजारभन्दा बढी प्रहरी, अग्नी नियन्त्रक, चिकित्सकलगायत उद्दारकर्ता खटाइएको छ । १५ सय फीटमाथि रहेको उक्त दुर्घटनास्थलमा उद्दारकर्ताहरु खटिएका हुन् । मैझोकुनगर क्षेत्रमा गएको पहिरोमा मजदूर रहेको वस्तीसहितको ठूलै इलाका पुरिएको सिन्ह्वा समाचार संस्थाले जनाएको छ । उक्त खनिज राज्य सरकारको स्वामित्वमा रहेको नेशनल गोल्ड ग्रुपको एक सहायक कम्पनीको रहेको समाचार उल्लेख छ । यो चीनकै सबैभन्दा ठूलो सुन उत्पादक कम्पनी हो । पुरिएका मजदूरमा दुई तिब्बती तथा अरु हान समुदायको रहेको बताइएको छ । १३ मजदूरको भने उद्दार गरिएको बताइएको छ ।